العودة   مصر موتورز مجتمع السيارات > السيارات الكورية والماليزية > كيا KIA > كيا سيراتو Cerato

كيا سيراتو Cerato من انجح سيارات كيا عامة وسميت باكثر من اسم منها فورت و سبكترا وشوما قديماً


إضافة رد
 
أدوات الموضوع
  #1  
قديم 06-12-2009, 08:00 PM
الصورة الرمزية horas3000
horas3000 horas3000 غير متواجد حالياً
من انا؟: شريف بيومي منسي
التخصص العملى: Executive Manager
هواياتي: السيارات و التكنولوجيا و الموسيقي
 
تاريخ التسجيل: Feb 2009
الموقع: Kuwait, Naser Ciry
المشاركات: 2,363
horas3000 has a reputation beyond reputehoras3000 has a reputation beyond reputehoras3000 has a reputation beyond reputehoras3000 has a reputation beyond reputehoras3000 has a reputation beyond reputehoras3000 has a reputation beyond reputehoras3000 has a reputation beyond reputehoras3000 has a reputation beyond reputehoras3000 has a reputation beyond reputehoras3000 has a reputation beyond reputehoras3000 has a reputation beyond repute
انا اسف بس حسيت اني لازم انقل الموضوع ده

انا اسف يا رجالة بس حسيت اني لازم انقل الموضوع ده لان ممكن ناس كتير تستفيد منه
و عايز اوضح ان الموضوع بيعبر عن راي صاحبة فقط و انا مليش دخل الا اني عايز الافاده تعم



للأسف... احذروا من النيوسيراتو...!!!!


بسم الله الرحمن الرحيم

انا اخوكم المهندس محمد غازي..

يمكن كتير من الناس تعرف اني من ضمن اول الناس اللي اتكلموا عن النيو سيراتو و من اول الناس اللي حجزت و استلمت العربية في مصر... و من اول الناس اللي اتقلبوا بيها كمان.... طبعا كل الناس هتذهل من ده بس هي دي الحقيقة و يمكن اكون انشغلت فترة عن المنتدى, بس ده كان ضغط شغل و بعدها الحادث المؤلم و المؤسف...

ربنا اللي يعلم انا كنت بعشق العربية دي قد ايه.... الله يرحمها و والله كنت هحصلها لولا ستر ربنا فقط لا غير.

انا كنت بشتكي من حدفة شمال في العربية و اول حاجة فكرت فيها ضغط الكوتش.. عملته و تمام و شيكت عليه في مكان تاني 32 تمام... و بردو زي ما هي... يزيد على الكلام ده كله اني بعد 5000 كم لقيت المساعديين الاتنين ورا بيزيقو جامد...!!!!! قلت في صيانة 10000 هنشوف الموضوع ده... بس ملحقتش و قبل ما اروح التوكيل بيوم اتقلبت بالعربية يوم 4 أكتوبر.... الحمد الله

انا دخلت المستشفى و عندي كسر مضاعف في رجلي اليمين و خلع في الكتف اليمين و كسر في الترقوه... عملت عمليه في رجلي و كانت مسامير و كده طبعا و للأسف مقدرش امشي على رجلي قبل 4 شهور... فات منهم شهرين الحمد لله... و ربنا يسهلها في الباقي

النهارده انا لازم اتكلم مع الناس ان النيوسيراتو يا جماعه فيها عيب صناعة حقيقي... انا لاحظت ان كل الناس بتشتكي زي ما قلت في اول تقرير عملته عن العربيه ان فيها حدفة شمال!!!!!! ده شيئ غرييييب جدااا, كل السيراتو فيها حدفه شمال..!!! ده غييير ان المساعدين اللي ورا كانو بيزيقوا جداا بشكل رخم... العربيه مكملتش 10000 كم..!!!! هل ده طبيعي او معقووول!!!

وجهة نظري الشخصية.. العربيه دي فيها مشكله في المقصات و المساعدين.... و والله بعد فتره من سواقتي ليها اكتشفت انها شكل و موتور بس... غير كده والله العظيم ولا حاجه... فقررت ارضى بنصيبي و مقرصش عليها... و انا مش غشيم جري على فكره...

المفجأه اني لما اتقلبت بيها كنت ماشي في طريق الشيخ زايد على سرعة لا تتجاوز 100كم\ساعه.. و مفيش حد ورايا او قدامي او جنبي... و مخبطش في حد او في الرصيف مثلا... بس كان فيه زي نقره في الشارع بس كبيره شويه, حولت افاديها بس الكوتش نزل في اخرها, و طلعت العربيه عادي جداا و بعدها بمتر العربيه عومت بشكل غرييييييب جداا والله, لاقيتها بتحدف يمين جامد جداا فرحت عادلها شمال, لاقيتها حدفت شمااال جدا و مش عايزه تقبل اي حركة من الدركسيون و مش بتعدل يمين خااالص و الفرامل مش بتوقف العربية.. و الله ما فاكر بعدها غير اني في المستشفى... قالولي بعدها ان العربية اتقلبت حوالي 10-12 قلبة ((و الأغرب ان العربية اتقلبت على وشها..!!!!)) و انا مكنتش رابط الحزام فرحت طاير من البرابرييز 20 متر قدام و بقت العربية في ناحية و انا في ناحية تانيه (ده كلام الشاب اللي شافني و هو جاي من بعييد ورايا بعربيته و وداني المستشفى و دخلني بأسمه و كلم اهلي و لم حاجتي من العربية و جابهالي) مع اني والله ما كان في حد ورايا خالص بس هي دي رحمة ربنا والله, حط الراجل ده في سكتي... الحمد لله... ربنا يباركله والله

لما والدي سلم العربية التوكيل عشان التأمين يعمل مقايسه (مقايسة اصلاح) تكلفتها كانت 122500 جنيييه!!!!!!! و العربيه بـ116000 زيرو. و بالتالي العربية توتال لوس... التأمين بيماطل طبعا و عايز يحملني 25% من ثمن الايرباجز اللي اتفتحوا, و يخصم استخدام ال6 شهور دول (9600كم) و انا اللي ادفع للتوكيل ثمن المقايسة (3000 جنيه) و انا اللي اواديلهم العربية على حسابي لحد عندهم... و هيدوني بعد كل ده 78000 جنيه اول عن اخر....!!!!! انا مأمن مع كونتاكت و معملتش ولا مطالبة, و دي اول مطالبة بعد 6 شهور من المده التأمينيه...

اللي انا عايز اقوله ان اللي اشترى العربية ربنا يهنيه بيها و يكفيه شرها... بس ارجوكم و بالله عليكم, بلاش جري بالعربية و احذروا من البلاعات و النقر, و متقرصوش على العربية مش عشان الموتور لأ, بس عشان سلامتكوا و ربنا ما يخللي حد يشوف اللي انا شفته والله, اقسم بالله انا شفت الموت او كنت في عداد الموتى لولا ستر ربنا...

بفكر ابعت شكوى بالصور لكيا الأم في كوريا و بالصور.... بس لسة مش عارف هعمل ده ازاي, و هرفع قضيه على كيا هنا في مصر, عشان الموضوع بجد انا شايفة خطييير جداا و بجد العربية فيها عيوب خطيره متتشفش بالعين... اسف لو كنت خوفت ناس او قلقتهم, بس هي دي الحقيقه و كان لازم احذر الناس و اطلب منهم ميجرووش و ميسنوش من العربية دي الكتيير..








__________________

Sharief Mansy

Farewell my Cayenne, you were the best car i ever had and driven

التعديل الأخير تم بواسطة horas3000 ; 06-12-2009 الساعة 08:02 PM
رد مع اقتباس
  #2  
قديم 06-12-2009, 08:37 PM
fezo fezo غير متواجد حالياً
التخصص العملى: Architect
 
تاريخ التسجيل: Sep 2009
الموقع: Alexandria,Egypt
المشاركات: 172
fezo has much to be proud offezo has much to be proud offezo has much to be proud offezo has much to be proud offezo has much to be proud offezo has much to be proud offezo has much to be proud offezo has much to be proud of
افتراضي رد: انا اسف بس حسيت اني لازم انقل الموضوع ده

دى عين وصابتك
و قول الحمد لله على ما أصابك
بس أنا سمعت فعلا ان الباور بتاع العربية دي هوا يعنى لو باظ بيوقف الدريكسيون في أخر حاجة كان فيها
هو نصيبك كدة بقى

و كلنا هندعيلك ان ربنا يهون عليك
رد مع اقتباس
  #3  
قديم 06-12-2009, 08:52 PM
الصورة الرمزية حازم شاهين
حازم شاهين حازم شاهين غير متواجد حالياً

من انا؟: متسامح و حسن النية
التخصص العملى: محاسب
 
تاريخ التسجيل: May 2009
الموقع: بورسعيد
المشاركات: 3,739
حازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond repute
افتراضي رد: انا اسف بس حسيت اني لازم انقل الموضوع ده


المشاركة الأصلية كتبت بواسطة fezo مشاهدة المشاركة

دى عين وصابتك
و قول الحمد لله على ما أصابك
بس أنا سمعت فعلا ان الباور بتاع العربية دي هوا يعنى لو باظ بيوقف الدريكسيون في أخر حاجة كان فيها
هو نصيبك كدة بقى

و كلنا هندعيلك ان ربنا يهون عليك

طبعا بعد الشر عن أ / شريف منسى بس هو ناقل الموضوع فقط
لكن صاحب الموضوع الأصلى هو الأخ محمد غازى ألف حمد الله على سلامتة و ربنا يخلف عليه و فداه العربية كلها مش إللى هيخصمه التأمين

بس أنا شايف إن سبب الحادثة دى مش عيب فى العربية لكن عيب فى الطريق و غلطة صغيرة من السائق
نزول فردة كاوتش أو حتى فردتين على جنب واحد فى مطب كبير بيخلى العربية تنحرف بدرجة ملحوظة بدون تدخل من السائق
و ده بنلاحظه كلنا لما نمشى على طريق نصه متسفلت بالطول و نصه لا ساعت لما نيجى ننقل من الواطى للعالى أو العكس إتزان العربية بيختل قليلا و لو الفرق فى الإرتفاعين كبير الإختلال هيكون أكبر

و بناء عليه إللى أن متخيله إن نزول فردة كاوتش خلفية فى المطب خلت مقدمة السيارة فى إتجاه و مؤخرتها فى إتجاه تانى بصورة طفيفة يعنى السيارة مشيت بالورب متر و ده إللى إدى إحساس العومان ، و بعدين بنفس منطق الحوادث الكبيرة إللى بتكون نتيجة لأحداث صغيرة متتالية لكنها كلها خطأ حركة عدلة الدريكسيون شمال بسرعة خلت مقدمة السيارة تنحرف بسرعة ناحية الشمال فى حين أن المؤخرة لا زالت غير متزنة و بتندفع ناحية اليمين (يعنى ببساطة المقدة رايحة شمال و المؤخرة رايحة يمين يعنى العربية لفت حوالين نفسها و بقت مستعرضة الطريق و ماشية بالجنب و بالتالى العجل هيوقف عن الدوران و الفرامل مش هتعمل حاجة لإن العجل واقف و العربية بتزحف بالجنب و طبعا قوة الإحتكاك مخلية الدريكسيون محجر لو حاول يرجعه ناحية اليمين
و نتيجة لإندفاع العربية و إختلال مركز ثقلها و يبدو إن كان فيه مطب تانى فى الطريق أو إن العربية خرجت من الطريق فراحت قلبة لكن رقم 12 قلبة ده كبير قوى.
و أخيرا فوق كل ده و قبل كل ده مشيئة ربنا عزل و جل
نجاناو إياكم من كل شر

التعديل الأخير تم بواسطة حازم شاهين ; 06-12-2009 الساعة 09:17 PM
رد مع اقتباس
  #4  
قديم 06-12-2009, 08:53 PM
الصورة الرمزية bmkbmk
bmkbmk bmkbmk غير متواجد حالياً
من انا؟: محمد كمال
التخصص العملى: Oracle systems consultant
هواياتي: العربيات ... الكمبيوتر ... الجيم
 
تاريخ التسجيل: Nov 2008
الموقع: الكويت و نفسى ارجع مصر
المشاركات: 2,425
bmkbmk has a reputation beyond reputebmkbmk has a reputation beyond reputebmkbmk has a reputation beyond reputebmkbmk has a reputation beyond reputebmkbmk has a reputation beyond reputebmkbmk has a reputation beyond reputebmkbmk has a reputation beyond reputebmkbmk has a reputation beyond reputebmkbmk has a reputation beyond reputebmkbmk has a reputation beyond reputebmkbmk has a reputation beyond repute
افتراضي رد: انا اسف بس حسيت اني لازم انقل الموضوع ده

لا حول ولا قوة الا بالله العلى العظيم... الحمد لله انه طلع من الحادثة دى و ربنا يعوض عليه يا رب
و طبعا لا تعليق على العيوب.....
و شكرا يا شريف باشا على نقل الموضوع
__________________



......................... ..

يا ترى جاهزين لتجربة السواقة اللى جاية ؟؟؟؟؟!!!!!!!

التعديل الأخير تم بواسطة bmkbmk ; 06-12-2009 الساعة 08:57 PM
رد مع اقتباس
  #5  
قديم 06-12-2009, 09:45 PM
الصورة الرمزية koky_90
koky_90 koky_90 غير متواجد حالياً
من انا؟: لاتحسب البسمه على وجهى فرحا فاالطير يرقص مذبوحا من شده الالم
التخصص العملى: طالب
هواياتي: car وبس
 
تاريخ التسجيل: Oct 2008
الموقع: حدائق القبه (بلدنا)
المشاركات: 1,200
koky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond repute
افتراضي رد: انا اسف بس حسيت اني لازم انقل الموضوع ده

شكرا أ/ شريف على نقل الموضوع

ربنا يعفينا يارب
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 02:32 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017