العودة   مصر موتورز مجتمع السيارات > السيارات الكورية والماليزية > كيا KIA > برايد Pride

برايد Pride اقدم سيارات كيا انتشاراً فى مصر تم اعادة تجميعها استنادا على موديل فورد - مازدا المسماه فورد فيستيفا او مازدا 121 ويعاد تصنيعها فى ايران وسوريا حتى الان


إضافة رد
 
أدوات الموضوع
  #1  
قديم 22-07-2008, 04:36 AM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي كيا برايد - تقرير شامل

[CENTER][SIZE=4]قالو عن البرايد



sab3aawy@gmail.com
البرايد (هاتشباك)عربية جميلة وحمالة أسية ومريحة فى السواقة واستهلاكها فى البنزين ممتاز وصالونها واسع ومريح وقطع غيارها اقتصادية


imdeid@hotmail.com

صدقتي مش هتلاقي حاجه انضف ولا سعرها احسن من كدة و هات السيدان احسن


معلومات عن البرايد



فعلا البرايد اتبنت علي تصميم المازدا 121 هيكل وموتور وبدا انتاجها في اوائل التسعينات ونزلت مصر في 97 وكان سعرها 25 الف جنية (كانت ارخص عربية تقريبا ) وكانت هاتش باك بس
كيا استمرت في تصنيعها حتي 2000 واتنقل خط الانتاج لايران لحساب شركة سايبا الايرانية بنسبة تصل الي 85%
http://www.saipacorp.com/en/

http://en.wikipedia.org/wiki/SAIPA

وهي شركة مساهمة قطاع مختلط (عام وخاص كما هيا اغلب الشركات في ايران ) بدات منذ 1966 وتقوم حاليا تصنيع وتجميع الكيا ريو الجديدة والسيتروين سي 5 علما بان شركة ايران خودرو بتاعة البيجو مساهمة فيها واستمر حتي 2006 ثم تم نقل خط الانتاج الي سوريا بس معرفش بدوا ينتجوها في سوريا ولا لاء وفي كلام انها تتجمع في العراق كمان
http://www.sotakhr.com/2006/index.php?id=1795

http://www.al-vefagh.com/1384/840515/html/eghtesad.htm

الفرق بين البرايد القديم ( الكوري / المصري ) والسابا الايراني

مبدائيا انا بقارن بين الرايد مو 97 الهاتش باك والسابا السيدان علي فكره الهاتش باك الجديد اسمها نسيم والسبا اصلا اسمها صبا !

الموتور 1100cc KIA الجديد 1324 من سايبا
القديم كاربراتير الجديده انجيكشين

الجديد زيادة في بعض الكماليات مثل مذيب ضباب ، اريال كهرباء ، زجاج كهرباء امامي فقط ، كاوتش عريض ، اشارة ستوب خلفيه ـ المساحات بسرعات ، ساعة ديجتال وعداد مسافات ديجتال غير كده التابلوه هو هو وكل حاجة هيا هيا



اسعار قطع غيار البرايد ( اسعار الوكيل )
بعض اسعار السيارة الكيا البرايد لمن اراد تقييم تكلفة التشغيل لو حد عنده اسعار تانية ياريت يضيفها
( الاسعار ديه من بق مركز الصيانة )
فانوس امامي 350
شبكة 165
اكصدام امامي 450
مساعدين امامي 300
تيل امامي / خلفي= 80 / 150
طنبورة امامي / خلفي = 110 / 150
فلتر زيت 20 / فتر هواء / 18.5 فلتر بنزين 13
بوبينة 135
بوجيهات 60


ليه اشتريت السابا

خبرتي مع السابا عمرها الان 3 اشهر بما يوزي 8000 كم حتي الان بس انا استخدامي للعربيات تقيل حبتين نظرا لظروف عملي وعلما بان مع والدتي البرايد الكوري موديل 97 وهيا معانا من الزيرو يعني اول يد فانا حافظ اداء الكوري فاقدر اقارن بينها وبين الايراني

اخيرا ً انا لما كنت بقارن كنت بقارن السابا بالادا اكتر لان لا البيكانتو ( مع حبي الشديد ليها ) ولا الشاريد عربيات خدمة شاقة
كمان قطع غيارهم غاليه وصيانتهم لازم مع التوكيل لاكن السابا والادا ممكن انت نفسك تصلحهم او علي الاقل تتعلم تغير قطع الغيار

عشان كده كانت حيثيات قراري بشراء السابا
اولا الناحية الاقتصادية
1- سهولة الاصلاح تكنولجيا مش قديمة اوي ومش جديده اوي تسعينات وتتشابة مع الهيونداي والدايو تقنيا وفي بعض قطع الغيار كمان

2- توفر قطع الغيار في كل مكان وباسعار رخيصة للجديد وذهيدة للاستيراد
( ولو اضفنا قله استهلاك البنزين تبقي افضل سيارة اقتصادية بمحرك 1300 سي سي علي حد علمي

3- سيارة سيدان تصلح لعائلة ( خاصة ان مصيفنا كل سنة في مطروح وبحب اروح بالعربية والبرايد الكوري كانت شنتطتها صغيرة جدا والبيكانتو والشاريد نفس النظام ومش هقدر اقلب الكنبة لان هيبقي فيه ناس قاعدين

4- انا بستضعف العربيات الاقل من 1300 حتي ال 1300 بعتبرها ضعيفة نوعا فعشان كده بيتهئلي البيكانتو مكانتش هتستحمل 100 كم يوميا علي الاقل مشاوير بدون مشاكل او ان بعد 5 سنين الاقي العربية هلكت واكيد ال 3 سلندر ( الشاريد ) اضعف حتي لو كانت صناعة وكاله ناسا للفضاء

5- سهولة البيع ( التجميع المصري وهو اسواء من الايراني سعره في المستعمل اربعينات موديلات 99 و 2000 ) يعني ان شاء الله سعر اعادة البيع مش هيبقي وحش

6- سعرها (سعر الشراء ) ما بين 49.5 ل 51 وده ارخص سعر لعربيه سيدان 1300 سي سي مجهزة بكامليات ( تكيف كاسيت سنتر زجاج كهرباء امامي - دي فوج - ستوب لايت - امان اطفال - الخ )

اخيرا - العيوب

هيكل ضعيف بالمقارنة بالادا والشاهين لاكن لو قارنت بالبيكانتو والشاريد يبقي اقوي خاصة ان الاكصدام جامد بجد
اقسم بالله العظيم دخلت فيه في اكصدام شاهين طاااااااااااااااااااااااا اااااااااخ الشاهين اكصدامها اتفك (بس متكسرش ) وفانوس عنده اتكسر وانا الشبكة عندي اتشرخت

(فيه مداخلة ليا شارح فيها موضوع الهيكل باسم " احنا ازي بنكون ارائنا الشخصة "

خامات الفرش فقيرة بالمقارنة بالبيكانتو والشاريد بس تتلم جلد وقماش قطيفة للابواب والارضية ب 400 بالكتير ( انا سئلت )

التوكيل سيء ( الامل نفس توكيل لادا والفلاير وال اف ثري الصيني ) بس هما بيفتحو مركز جديد علي الدائري وكده كده انا مش مضطر للتوكيل ممكن اصلحها في توكيل كيا القديم ( وليد توفيق ) وكيا الجديد ( نصير ) والمكيانيكة حافظينها

غير كده والله مشوفت فيها حاجة لحد دلوقتي بالعكس لما بروح التوكيل وبسئل الناس اللي معاهم زيها بيشكروا فيها جدا لدرجة اني بحس انهم شغاليين في التوكيل

والله علي ما اقول شهيد

اخوك وائل مجدي ( ابو نورا )[b]
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش


التعديل الأخير تم بواسطة AbOnOrA ; 22-01-2011 الساعة 10:49 PM
رد مع اقتباس
  #2  
قديم 22-07-2008, 07:56 AM
dr.kemooo dr.kemooo غير متواجد حالياً
 
تاريخ التسجيل: Jun 2008
المشاركات: 2
dr.kemooo is on a distinguished road
افتراضي رد: ليه اشتريت كيا برايد ؟

بجد يا ابو نورا خلتني افكر في البرايد جامد هو حجمها صغير شوية بس كانت مع اخويا واحدة مو 99 تقريبا مصرفش عليها حاجة قعدت معاه سنتين وبعدين جاب ياريس زيرو عقباااااااااااالك يا باشا . بس ابقى قولي اخبار اسعارها ايه في المتوسط عشان اشوفلي واحدة في السوق الجمعة الجاية
رد مع اقتباس
  #3  
قديم 20-08-2008, 01:30 PM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: ليه اشتريت كيا برايد ؟

اسف يا دكتور والله لسه واخد بالى من سؤالك حالا وانا معدى كده بالصدفة والله

بالنسبة لمتوسط اسعار البرايد السيدان 36 - 42 حسب الحالة - والموديل والعداد والكماليات
وبالنسبة للعصفورة 31 - 35 خسب الحالة ووجود تكييف من عدمة

ولو لقيت حاجة حالتها حلوه صدقنى مش خسارة فيها الفلوس لانها عربية تتأنى واصيلة جدا ومبتخسرش فى بيعها ولو تحب ابصلك عليها او ابعتك عند حد يبصلك عليها انا تحت امرك
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #4  
قديم 08-01-2009, 02:36 AM
الصورة الرمزية lost2008
lost2008 lost2008 غير متواجد حالياً
 
تاريخ التسجيل: Jan 2009
الموقع: cairo
المشاركات: 772
lost2008 has a reputation beyond reputelost2008 has a reputation beyond reputelost2008 has a reputation beyond reputelost2008 has a reputation beyond reputelost2008 has a reputation beyond reputelost2008 has a reputation beyond reputelost2008 has a reputation beyond reputelost2008 has a reputation beyond reputelost2008 has a reputation beyond reputelost2008 has a reputation beyond reputelost2008 has a reputation beyond repute
افتراضي رد: كيا برايد - تقرير شامل

البرايد فعلا عربيه محترمه, ممكن تقولى على مكان المعرض فى القاهره عشان عاوز اتفرج عليهه, و الضمان بتاعهه اد ايه؟, و بجد شكرا على الموضوع ده
رد مع اقتباس
  #5  
قديم 08-01-2009, 03:36 AM
الصورة الرمزية Nour_peugeot
Nour_peugeot Nour_peugeot غير متواجد حالياً
 
تاريخ التسجيل: Sep 2008
الموقع: nasr city (cairo
المشاركات: 1,567
Nour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond repute
افتراضي رد: كيا برايد - تقرير شامل

ربنا يبركلك فيها يا وائل باشا و يكفيك شرها و واضح انها هتحقق نجاحات حلوه
__________________

my peugeot 306 gti6
رد مع اقتباس
إضافة رد

الكلمات الدليلية
برايد, كيا برايد, سايبا برايد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 12:58 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017