شوية صنايعية من الاخر

[وائل عبد العزيز]

السلام عليكم ورحمة الله وبركاتة
بعد ما عملت السخونة والحمد لله كان فاضل عندى العفشة فقلت لازم اوديها القاهرة تتظبط وبالمرة اجرب العربية هى المسافة ما بين الواحات البحرية والقاهرة حوالى 365 كم
المهم انا اشتغلت عند حوالى 5 صنايعية ودانى عندهم واحد صاحبى بس بامانة صنايعية من الاخر
اول واحد فيهم الاسطى شريف الميكانيكى دا فى شارع البحر الاعظم بس بصراحة ميكانيكى من الاخر واسعارة حنينة جدا ظبط لى جوان غطا التاكيهات والعربية كانت خالفة تقسيمة ظبطها والحمد لله
بعد كدة روحت عند بتاع العفشة الاسطى احمد عز فى الخانكة بعد القلج بشوية بس والله ما يتخيرش عن الاسطى شريف راجل ذوق جدا وحنين فى اسعارة والاهم من كدا عندة ضمير والصنايعية اللى عندة تمام التمام
بعد كدا روحت عند بتاع الكبالن بس دا للاسف ما اعرفش اسمة لانى ما رحتلوش بنفسى انا خليت الاسطى شريف فكهم وبعتهم مع اخويا بس لو حد محتاج يروح لة انا عارف العنوان كويس
بعد كدا روحت اجيب المرايات لاقيتهم عاملين 190 جنية فلقيت واحد اسمة الاسطى هشام بيصلح مرايات فى شارع نجيب الريحانى وشغلة جميل جدا
وطبعا طالما اتكلمنا عن الصنايعية الشطار لازم نتكلم عن تجار قطع الغيار اللى عندهم ضمير وطبعا على رأسهم ميدو سوزوكى اللى فى احمد حلمى ناس معاملتهم زى الفل
وعندهم خصومات وارخص من التوفيقية كتير
اى حد محتاج عناوين الصنايعية او ارقام تليفوناتهم انا اخدت منهم كروت علشان لو اى حد فى المنتدى احتاجهم

[وائل عبد العزيز]

للدرجة دى الموضوع مش مفيد كل المشاهدات دى ولا حتى حد رد بكلمة

[aymanlaw]

لاياأستاذ وائل الموضوع جميل ومهم جداً خصوصاً لأهل القاهرة والجيزة والقليوبية واى حد هيضطلع على الموضوع الرائع ده وربنا يكرمك على النصيحة والتجربة الى مبخلتش بيها على حد ويجعله فى ميزان حسناتك حضرتك إنسان محترم ومواضيعك شيقه وكل سنه وحضرتك طيب انت وكل احبابك وعيد سعيد عليكم جميعاً

[وائل عبد العزيز]

وانت بالصحة والسلامة يا استاذ ايمن بس لانى استفدت من المنتدى هنا حبيت افيد باى شئ اقدر علية

[amro_ahameed]

المشاركة الأصلية كتبت بواسطة وائل عبد العزيز السلام عليكم ورحمة الله وبركاتة بعد ما عملت السخونة والحمد لله كان فاضل عندى العفشة فقلت لازم اوديها القاهرة تتظبط وبالمرة اجرب العربية هى المسافة ما بين الواحات البحرية والقاهرة حوالى 365 كم المهم انا اشتغلت عند حوالى 5 صنايعية ودانى عندهم واحد صاحبى بس بامانة صنايعية من الاخر اول واحد فيهم الاسطى شريف الميكانيكى دا فى شارع البحر الاعظم بس بصراحة ميكانيكى من الاخر واسعارة حنينة جدا ظبط لى جوان غطا التاكيهات والعربية كانت خالفة تقسيمة ظبطها والحمد لله بعد كدة روحت عند بتاع العفشة الاسطى احمد عز فى الخانكة بعد القلج بشوية بس والله ما يتخيرش عن الاسطى شريف راجل ذوق جدا وحنين فى اسعارة والاهم من كدا عندة ضمير والصنايعية اللى عندة تمام التمام بعد كدا روحت عند بتاع الكبالن بس دا للاسف ما اعرفش اسمة لانى ما رحتلوش بنفسى انا خليت الاسطى شريف فكهم وبعتهم مع اخويا بس لو حد محتاج يروح لة انا عارف العنوان كويس بعد كدا روحت اجيب المرايات لاقيتهم عاملين 190 جنية فلقيت واحد اسمة الاسطى هشام بيصلح مرايات فى شارع نجيب الريحانى وشغلة جميل جدا وطبعا طالما اتكلمنا عن الصنايعية الشطار لازم نتكلم عن تجار قطع الغيار اللى عندهم ضمير وطبعا على رأسهم ميدو سوزوكى اللى فى احمد حلمى ناس معاملتهم زى الفل وعندهم خصومات وارخص من التوفيقية كتير اى حد محتاج عناوين الصنايعية او ارقام تليفوناتهم انا اخدت منهم كروت علشان لو اى حد فى المنتدى احتاجهم

مبروك عليك الاصلاحات يا باشا، وربنا يبارك لك في العربية، سؤالي بالنسبة للمرايات، كان فيهم اية بالظبط، ومكان وتليفون الاسطي هشام؟ وخد مصنعية كام؟
وبارك الله فيك