العربية جننتني دي تبقي كبالن والا ايه؟؟؟

[علاء النادي]

السلام عليكم،،، برجاء المساعدة من اهل الخبرة، العربية لافيتا ماتركس 2001 اوتوماتيك، في رعشة غريبة وشديدة في العربية من سرعة 90 وانت طالع، الرعشة بقي مش في الطارة دي في جسم وارضية العربية كلها كل ما ازود بنزين او اعمل كيك داون، لو مش محمل علي الدواسة مفيش رعشة، ازود علشان اعدي عربية تبدا الرعشة. كرهت العربية بسببها مش عارف دي كبالن والا ايه، انا مغير كاوتش امبارح فردتين قدام ومفيش اي فرق. الرعشة بتخلي دواسة الفرامل تتهز جامد بتبقي هتتخلع من مكانها والكراسي بتترعش. افيدوني الله يكرمكم.
للمعلومات كان عندي الكوبلن الشمال بيطقطق من 6 شهور والميكانيكي غيرله راس بس وركب راس صيني وشغال من يومها ومكنش في رعشة، الرعشة لسه ظاهرة من شهر وبتزيد ومفيش اي طقطقة في الكبالن في الملفات.

معلش طولت عليكم. سلام.

[mr_astra]

اعتقد انها مشكلة طنابير

[atgps]

ممكن يكون فى اعوجاج خفيف فى العمود بين الكوبلن الداخلى والخارجى واكشف برضه على الكوبلن الداخلى وقواعد الموتور والفيتيس

[Hisham.Elgazzar]

لو مش محمل علي الدواسة مفيش رعشة، ازود علشان اعدي عربية تبدا الرعشة

كدا كبالن أكيد

ولما بتيجى تدوس الفرامل تترج العربية جامد يبقى طنابير

أكشف بقى ع العفشة كلها ومن ضمنها الكبالن والطنابير

[mr_astra]

المشاركة الأصلية كتبت بواسطة sun light علما ب انك متفكرش تمس الطنابير عشان توفر د ولا تطلع العمدان وتوديها للخراط ويعدلك الرفه كله طلصقه لشهر مش اكتر

تمام
تسلم ايد