العودة   مصر موتورز مجتمع السيارات > السيارات الأوروبية > فولكس > بولو POLO


إضافة رد
 
أدوات الموضوع
  #1  
قديم 25-10-2013, 01:23 AM
الصورة الرمزية look344
look344 look344 غير متواجد حالياً
التخصص العملى: 3D Graphics Engineer
 
تاريخ التسجيل: Oct 2009
المشاركات: 167
look344 has a brilliant futurelook344 has a brilliant futurelook344 has a brilliant futurelook344 has a brilliant futurelook344 has a brilliant futurelook344 has a brilliant futurelook344 has a brilliant futurelook344 has a brilliant futurelook344 has a brilliant futurelook344 has a brilliant futurelook344 has a brilliant future
افتراضي تجربة تغيير عفشة كاملة للبولو ، الأسباب والنتائج

السلام عليكم

كل عام وانتم خير
انا هكتب تجربة جديدة من تجاربى مع البولو
هيا عربية 99 و 1000cc فقط

وضع العربية السابق :
العربية الحمد لله تمام ،ولكن المشاكل اتت من حيث لا آدرى ،المشكلة الى دايما كنت خايف منها وحلت بالسلامة
دربكة وخبط فى المطبات الصغيرة والارض المكسرة - خبط فى العجلة اليمين - خبط فى الدريسكيون بس كان خفيف ، مع انى محافظ على جدول الصيانة الدورية وتربيط العفشة والظبط الزوايا


اول حل :
طبعا انا عارف انى ممكن اتوه علشان احل المشكلة دى وكنت متوقعها تجى فى اى وقت
رحت عند العفشجى اكشف كشف هوا بصراحة اول حاجة قالها : هيا سكاترة العربية دى بكام ؟

انا سمعت كدا قلت له لا اجيلك بالنهار احسن - روحت له بالنهار قالى لا ياباشا العربية مساعدينها خلاص ريحت وبالفعل المساعدين كانوا خلصوا وبيطلعوا فسفسة هوا مع اى مطب

روحت عند فتح الباب وجبت جوز مساعدين ساكس المانى اصلى بالبطاحتين ودول عملوا 900 جنيه - اه غاليين جدا - بس المساعدين الى قبل كدا كانوا ساكس وعمرهم كمل 10 سنين شغل فمستغلتهومش بصراحة لانى عارف ان اى حاجة بتتحط فى العربية دى مش خسارة
بالظبط زى الى فى الصورة بس الكتابة على العلبة English




ركب ركب وبعد كدا اجى اجرب الاقى نفس العيب
بصراحة بعد تغيير المساعدين حسيت بثبات واكن العربية بتجرى لوحدها وختها مشوار اسكندرية وكانت الحمد لله تمام

الحل الثانى :
بعد الحوار ده بشهر بردوا فيه نفس المشكلة دربكة بس على خفيف فى المطبات الصغيرة
رحت رايح جبت جوز جلب جديدة وبارتين دريكسيون بردوا جداد اتحاد اوربى الصراحة، بدون الاتياش
وجبت بضيتين وقلت كدا يبقا المشكلة تمام لان العفشة انا عارف ان كلها مرتبطة ببعضها ومدام المقصات سليمة يبقا مش لازم مقصات لانى كنت هجيب المقص استعمال وهجيب بقية حاجاته كلها جديدة .

بعد ماركبت بردوا نفس الخبط بس اقل ولكن هوا هوا خبط المطبات الصغيرة ده
هيا ممكن تمشى وجرى وكل حاجة ، بس بردوا صوت الخبط لو سبته ممكن يوسع فى حاجة اكبر ويحصل اى شىء لا قدر الله .


الحل الثالث على التوالى :
انا قررت انى ارجع بكل الكلام الى اتقال وشوف ايه حكاية السكاترا دى الى اتقالت فى اول الكلام ، يا يطلع العيب مش منها ؟ يا اجيبها وبعد كدا ميحصلش حاجة

المهم انا عندى الدريسكون باور وغيرت زيت الباور بتاعه الاحمر من فترة
عرفت شوية معلومات كدا عنها اكتر وحت اكشف عند ميكانيكى : قلتله : بعد السلام عليكم
انزل شوفلى فيه حاجة كدا فى علبة الدريكسيون وبس كدا
نزل بعدها طلع بسرعة قالى لازم تتغيير
طيب شكرا شكرا

طلعت على الحرفيين ، عند المتحدة فى شارع المرسيدس وده الى بجيب منه حاجاتى الاستيراد بس لانى جربتهم ابل كدا فى كبالن واكسات وفتيس ، بكام يعم سلطان علبة الدريسكيون باور بحاجتها كلها بالاتياش والبارات كلمة يعنى
قالى 400 قلت له لا 350 ، قالى ماشى اصلها كانت ساعة صبحية يوم الجمعة الساعة 10.30 الصبح وده احلى ميعاد للشرا
طبعا البارات القديمة اترمت وركبت البارات الجديدة الى كنت مركبها اصلا قبلها بشهر.
المهم جبت معاهم سير كاتينة وسير ديناموا قلت بالمرة - لان سير الكاتينة الاولانى قعد 3 سنين كفاية عليه كدا
علبة الدريسكيون ركبت فى 5 ساعات تقريبا وكان عليها صنايعنى شغال عليها لوحدها بس انا واقف على ايده علشان نخلص

وبعد تركيب سير الديناموا والكاتينة طلعت اجرب وزيت الباور وتنظيف البوابة
طلعت اجرب فى قلب المطباات ،حسيت ساعتها ان العربية اكنها لسه جاية من المصنع ، ولا صوت يمين ولا شمال ولا صوت فى الدريسكيون كله تمام الحمد لله ،بس عاوزة ظبط زوايا طبعا بعد علبة الدريسكون

العفشة كلها جديدة تشعر كانك فى عربية جديدة
بعد كدا فكرت بقا انى ادخل على طقم الصوت وجدد فيه لانه بقاله 3 سنين زى مهوا
يا بازوكا بايونير 1300 يا صب بايونير 1400 وجى ام كينوود 720

المهم :
العفشة مهمة جدا فى البولو لانها اصلا هاتش باك = مغيرة للجرى
ولو الموتور عندك مفتح هتجرى وساعتها ممكن تقابل مطبات يا قدر الله ( مطبات بسيطة مش هوا ) ، ممكن توسع منك والدريكسون تلفه ميلفش
الدريسكون ممكن تلاقيه بيستجيب بعد فترة
وهنا قمة الخطر عليك وعلى حياة مع معك
واكتر كمان


بالنسبة للبولو اوعا تفكر انك تسترخص فى حاجات العفشة بالذات لانها معمرة ومش بقول معمرة يعنى 1-2 لا بتكلم فى 4-7 سنين مع مطبات مصر بس هات الحاجة من فتح الباب او الشهابى فى دمشق ، ايهما اقرب

بفكر بردوا ادخل على تجربة الفايبر جلاس مش شراء لا اصنعه واعمل بيه بوكس صب مثلا حسب فراغات الشنطة


تحياتى ويارب اكون ضفت معلومة ولو بسيطة .
رد مع اقتباس
  #2  
قديم 25-10-2013, 05:04 AM
الصورة الرمزية محمد فيصل
محمد فيصل محمد فيصل غير متواجد حالياً

من انا؟: العبد الفقير لله
التخصص العملى: مهندس ميكانيكا السيارات
هواياتي: القراءة فى الموضوعات الفنيه وبالاخص فنيات السيارات
 
تاريخ التسجيل: Jun 2010
الموقع: الاسكندريه
المشاركات: 3,469
محمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond repute
افتراضي رد: تجربة تغيير عفشة كاملة للبولو ، الأسباب والنتائج

100000 مبروك تجديد اكثر اجزاء السيارة تحمل للشقاء فى طرقات بلد العجائب
وللمحافظة المثلى عليك :بالتربيط للعفشة كل فترة زمنية محددة ولتكن 3شهور
غسيل اسفل السيارة مرة كل 6 شهور ثم رش العفشة بالكامل ب wd-40
يسر الله امرك وحفظك الرحمن وحفظنا جميعاً من شرور طرقات بلد العجائب
__________________

رد مع اقتباس
  #3  
قديم 25-10-2013, 09:24 AM
الصورة الرمزية احمد على 1999
احمد على 1999 احمد على 1999 غير متواجد حالياً

من انا؟: الحمد لله
التخصص العملى: مهندس ميكانيكا طيران
هواياتي: السيارات - اسكواش - سباحة - علوم فلك
 
تاريخ التسجيل: Feb 2010
المشاركات: 8,234
احمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond repute
افتراضي رد: تجربة تغيير عفشة كاملة للبولو ، الأسباب والنتائج

شكرا على نقل التجربة
ححط لينك الموضوع دا فى الموضوع التانى
__________________

سبحانك لا علم لنا الا ما علمتنا
رد مع اقتباس
  #4  
قديم 25-10-2013, 10:30 AM
الصورة الرمزية ahmed_eng2001
ahmed_eng2001 ahmed_eng2001 غير متواجد حالياً
 
تاريخ التسجيل: Jun 2008
المشاركات: 2,509
ahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond repute
افتراضي رد: تجربة تغيير عفشة كاملة للبولو ، الأسباب والنتائج

شكرا على نقل التجربة و اكيد ناس كتير حتستفيد منها

ياريت حضرتك تبلغنا عن موضوع الفيبر جلاس ... علشان انا ناوى اشتغل فيه قريب ان شاء الله
__________________

رد مع اقتباس
  #5  
قديم 25-10-2013, 11:44 PM
الصورة الرمزية look344
look344 look344 غير متواجد حالياً
التخصص العملى: 3D Graphics Engineer
 
تاريخ التسجيل: Oct 2009
المشاركات: 167
look344 has a brilliant futurelook344 has a brilliant futurelook344 has a brilliant futurelook344 has a brilliant futurelook344 has a brilliant futurelook344 has a brilliant futurelook344 has a brilliant futurelook344 has a brilliant futurelook344 has a brilliant futurelook344 has a brilliant futurelook344 has a brilliant future
افتراضي رد: تجربة تغيير عفشة كاملة للبولو ، الأسباب والنتائج

شكرا لكم اخوانى الكرام وان شاء الله بالإفادة لمن آراد
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 09:00 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017