عايز أفتح فانوس الشابورة + مطلوب تعديل له (نوبيرا II )

[Kemo Kono]

مساء الجمال ..
بسرعة أوى كدا .. كل الحكاية انى معايا نوبيرا 2 موديل 2008 .. الشابورة اللى جنب السواق بيفصل .. بخبط عليه بيشتغل .. النهاردة بعد ما جيت من الكلية قررت انضّفه و اشغّله منغير ما يقطع تانى
نكشت كدا و عرفت انى ممكن افكّه من تحت العربية او بعد ما اشيل الفانوس الكبير ..
من تحت العربية متقفّلة خالص و الفيبر بتاع كافارات العجل مش عارف اتعامل و مش عارف افكّه .. شيلت الفانوس الكبير و ربنا يستر اعرف اركبه لانه كان راكب زى ما يكون "حشر " !!
دلوقتى معايا فانوس الشابورة بعد عذاااااااااب فى فك مساميره من بين اعضاء الموتور و شاسيه الاكصدام ..
مش هركّبه غير لما ارتاح لشكله ..
عايز افتح الوش الازاز عن الفانوس عشان انضفه .. قالوا سشيوار .. معنديش :D
عايز اعرف ازاى بالظبط افكّه فـ الفرن .. كام درجة مئوية .. اد ايه وقت .. اسيب الفرن تسخن الاول ولا لا ؟!
مش عايز الفانوس يسيح .. ابويا الحاج هينفخنى :D
بجد هزعل اوى لو باظ .. و مع ذلك متمسك وواثق بعون الله انى هظبطه شوية ع الاقل
الفانوس هيتلزق ازاى تانى بعد الفك ؟! ( ايوة .. سيليكون .. عايز تفاصيل دقيقة بقا يعنى سليكون ابيض ولا شفاف لانى اظن انه انواع )
عايز اجيب لمبة جامدة عليه بدل اللمبة دى لان نورها اصفر اوى اوى .. اجيب له ايه يركب عليه كويس ؟! اجيب له لمبة من اللى بينوّروا اخضر دول زى بتوع العربيات الجامبو عشان تكسّر الشابورة ؟!
اقول تانى ..
عايز افك الفانوس عن الوش ..
ياريت الاقى فكرة تعديل له ..
و عايز اظبط اللمبة بلمبة حلوة تريحنى اكتر .. كنت عايز اجيب طقم زينون شابوره .. بس مش هيحصل دلوقتى .. يبقا عايز بديل نوره قوى و ياريت يعنى يكون لون صافى كدا مش مصفر .. و حاجة تنفع مع الشابورة بجد لان العربية بتاعت سفر و مشاوير طويلة على طرق سريعة (( مع انها عاملة اقل من 40 ألف كم ))
مستنى الرد .. و اسف جدا ع الاطالة و الرغى الكتير اوى دا :D
تحياتى

[Kemo Kono]

+1111111111111

[AbOnOrA]

انا رائى تدى العيش لخبازة علشان ممكن تبوظ حاجات اكتر وانت بتتعلم ولما تروح لكهربائى او متخصص تعديل فوانيس راقبه بعنيك واتعلم منه مرة واتنين وبعدين جرب

[Kemo Kono]

المشاركة الأصلية كتبت بواسطة AbOnOrA انا رائى تدى العيش لخبازة علشان ممكن تبوظ حاجات اكتر وانت بتتعلم ولما تروح لكهربائى او متخصص تعديل فوانيس راقبه بعنيك واتعلم منه مرة واتنين وبعدين جرب

ألف شكر ع الاهتمام ..
صدقنى كنت بفتح الموضوع و ناوى اروح لكهربائى ينضفهم .. بس قولت اهو ابقا تابعت للمرة الاخيرة عشان مندمش لو الكهربائى بوّظهم ..
عموما هم مش غاليين عشان كدا فكّرت أجرّب ..
ألف شكر كمان مرة ..
هنزل لكهربائى جارى و اخليه يتعامل .. رزقه :D