أنطباعى الأولى عن جيلى أميجراند Emgrand ec7

[ابو هيما]

السلأم عليكم ورحمة الله وبركاته
أمبارح 26/02 /2013 كان عندى رحلة لزيارة القاهرة بحكم عملى كمرشد سياحى , ونظراً لأن العدد اللى كان معايا مش كتير , فأنتهزت الفرصة وقلت أروح أتفرج على الجيلى أمجراند الجديدة فى شارع أحمد عرابى بالمهندسين وخصوصا ً أنى عاوز أغير العربية اللى معايا وبفكر أجيب الأميجراند وأرخصا سياحة .
أولأً من حيث المنظر الخارجى
- السيارةفعلاً بتاعت سياحة , حاجة كده بشواتى وأكثر من رائعة كشكل من الخارج والتقفيل كمان جيدا جداً , النفخات اللى فى البدى مدية منظر للعربية وكمان الجنوط والفوانيس الخلفية ومنظر الشنطة تحس أن فيها من الكامرى . بس بقى اخواتنا اللى بيحبوا وهما سايقين يتنقلوا من حارة لحارة ويعملوا غرز فى الزحمة وبين العربيات , فالكلام ده مش هينفع مع الأميجراند لأن العربية طويلة ومنفوخة من الجوانب وبالتالى فهى عرضة للخبطات أن لم تلتزم بحارتك المخصصة لك
ثانياً /بالنسبة للمقصورة الداخلية
واسعة جداً , والكراسى جلد والكاسيت صوته رائع ونقى , يوجد أماكن كثيرة للتخزين , فى الأبواب وفى التابلوه وكمان الكنبه الخلفية يوجد بها مسند شيك ومريح للذراعين , بس ما حستش وأنا جالس بالخلف أن المساحة المتوفرة للأرجل واسع , مع أنى لست من طوال القامة أو ممكن يكون الكرسى الأمامى كانراجع أكثر من الأزم وأنا مخدتش بالى
ثالثاً : حوض الموتور
الكبوت مبطن لتقليل صوت ضجيج الموتور , بس من تحت لأحظت ان مفيش فيبر مغطيه وأنه مفتوح منه لأرض الشارع , يعنى عرضة لأملأح الطريق والمية , مش عارف ليه ؟ بصراحة أتضيقت أوى لما شفت المنظر ده.ولكن تقفيل الكبوت مع الشنب وشكل الفرانيس الأمامية أكثر من رائع
فى ملحوظة عاوز أقولها وعاوز راى حضرتكم فيها
أنا لأحظت أن مسكة عصا الفتيس يعنى تاخد 8 من 10 وأن الدبراياج ناشف سنه وأن نقلة الفتيس فى الخامس والمارش مش حلوة , تقيلة , ناشفة , مش بتبيت بسرعة فى مكانها , بصراحة مش عارف أوصفها , بس المهم أنى مستريحتيتش فى نقلة الخامس والمارش ... ولما سألت موظف المبيعات عن السبب , قالى أن العربية واقفة ومش دايرة وطبيعى تبقى النقلة مش بالدرجة اللى أنت عاوزها , مع ان عربيتى الهيونداى فيفا وهى واقفة والموتور مش شغال بتبقى كل نقالتها ناعمة

وعلى فكرة هما حاطين عربية امام المعرض للى عاوز يعمل تست درايف وهما عرضوا عليا أسوقها , بس بصراحة نظراً لأن كان معايا ناس فمكنش نافع انى اسيبهم وأروح اجرب العربية
ياريت أرائكم فى الكلأم ده وبالأخص فى موضوع الفتيس !!!

السعر الرسمى الأن 82500 جنيه مصرى
التسليم فى خلأل 20 يوم من الدفع ومتوفر 11 لون للسيارة

تحياتى للجميع

[ابو هيما]

هو ليه موقع مصر موتورز بيبقى فيه مشاهدات كتير للموضوع ومفيش حد بيرد . طب حتى يرد عليا مشرف القسم الصينى

[magdy_c_c]

:CH UBBY~36:

[ابو هيما]

لأ حول ولأ قوة ألأ بالله العلى العظيم , أيه يا خونا البخل اللى أنتوا فيه ده ,, 231 مشاهدة ومحدش يردعليا خالص بكلمة ,, طب حتى تدوسوا كلمة شكراً بلأش تكتبوها ,, هو أحنا للدرجة دى بقينا بخلأه حتى فى كلمة شكراً ,, عامتاً انا اللى بشكركم كلكم

[ابو هيما]