لانسر كريستالة موديل 98 لسه جيبها من يومين..بس في مشكلة إنها بتحك في المطبات

[foooooox]

عربيتي لانسر كريستالة موديل 98 لسه جيبها من يومين..بس في مشكلة إنها بتحك في المطبات وأنا مركب معايا 3 أفراد..هل في حل للكلام ده لأنه قلقني..ومش عارف الحكة صوتها عالي مش عارف بتحك في ايه بالظبط..وهل أنزل بيها لحد ما أعمل الحوار ده ولا في خطورة إني أسبها كدة..أرجوكم أرجو الرد ولكم جزيل الشكر

[محمدصلاح القاضى]

لا لازم ترفع العربيه فى البنزينه وتطمن على علب الشاسيه والشكمان
وبعدين مفيش عربيه فى مصر بقت بتاخد المطبات بوشها لازم تاخد المطب بالجنب
وممكن تحط علايات فوق السوست بتاع المساعدين بس دا مش حلو لو بتحب الجرى والغرز عشان الثبات

[mijodian]

السلام عليكم
انا معايا لانسر بطه وهي اوطي من العربيه بتاعتك كمان
لكن انا حليتها بسهولة جدا
فيه حاجه اسمها صدادات بتتحط في المساعد بتعليه ومش بتاثر علي ثبات انا بجري لحد 140 ولا فيه هزة في العربية وثابته الحمد لله
فيه كمان شيء مهم جدا متركبش 3 وزن تقيل في العربيه انت معاك لانسر كريستاله مش باجيروووووووو حاول تختار اللي تركبه هههههههههههه عارف انها صعبه بس حاول يعني لكن حل انك ترفع العربيه ده انا مش محبذه نهائي لان ده هيبوظلك الثبات والسرعه وهتحس بالمطبات + انك ممكن مع مطب جامد تكسر العفشة .. مبروك عليك العربية

[minoeyes]

غير اليايات اللى على المساعدين الخلفيين
ب 2 ياى بومه 11 عقله
هتفرق معاك فى الحك ومش هترفع العربيه اوى ومش هتاثر على حاجه
الجوز بتركيبهم حوالى 300 جنيه بس تلاقيهم لانهم فى محلات الاستيراد مبيحبوش يبيعوهم لوحدهم
وبلاش تعلى المساعدين خالص لانهم هينتهوا ويضربوا
اسمع النصيحه وادعى لى
وعرفنى عملت ايه