البى واى دى من الاخر سيارة تستاهل ولالالالالالالالالا

[الاستاذ/ علاء]

السلام عليكم
اخوانى الكرام مالكى السيارة F3

1- بكل امانة هل السيارة تستحق الشراء ؟؟
2- هل ندمت على قرار الشراء ؟؟
3- ما هى عيوب السيارة بكل امانة ؟؟
4- وخامات وتقفيل 2013 عامل ايه ؟؟؟
5- السحب واستهلاك البنزين والعفشة و الفتيس اخبارهم ايه؟؟؟

وشكرا لكم

[ziabassem]

أستاذ/ علاء .. أعمل استخارة وتوكل على الله .. وربنا حيكتبلك اللي فيه الخير إن شاء الله سواء هي أو غيرها

[العمده المليجى]

انا بصراحه لسه مشترتش بس تابع واعرف ايه هيا عيوبها ومميزتها وصلى صلاه استخاره وربنا يكتب الخير لانى الفلوس اليومين دول الواحد مبيلقهاش موفق ان شاء الله

[peter magdy]

صباح الخير با استاذ علاء
انا شايفك متردد فى شراء السيارة و بتسأل كتير
انا كنت زيك و اكتر كمان علشان الواحد عايز يحط فلوسة فى حاجة مضمونة علشان العربية مش رخيصة و كمان الواحد مش بيلاقى فلوسة فى الشارع
انا لسة شارى العربية موديل 2013 يوم 25/9 اللى فات
العربية ماشاء الله هايلة لما تيجى تقارنها باللى نفس تمنها وى الفيرنا او الانوس او اللوجان
طبعا BYD هتكسرهم بدون نقاش
و لو قارنتها مع مثلا السيراتو او الالنترا المنفوخة مش الاخيرة دى او الافيو
هتلاقى تقريبا قريبين مع بعض فى حاجات كتير و السعر كبير و علما كمان
BYD كاملة - فول اوبشن - لكن تلاقى عربية زى الكيا تمنها 103 الف و نص كامليات بس عتلاقى التبلوة شكل و خامات اعلى بس بردو مايديش كل الفرق دة 30 الف و كل ماتزود حاجة بفلوس -- فاهمنى
انا رأى الشخصى فرق السعر الرهيب بين العربيات التانية المشهورة زى الكيا و هيونداى و الكروز
بيبقى علشان اسم الماركة و تبلوة شياكة بخامات عالية و شكل خارجى مالوش حل -- ودا رأى الشخصى -
دى حاجة بلانسبة لاسئلتك
1 - بكل امانة هل السيارة تستحق الشراء ؟؟
ايوة العربية جميلة جدا و ربنا يحافظ عليها بس انا لسة 650 كم بس بس لحد دلوقتى زى الفل
2 - هل ندمت على قرار الشراء ؟؟
لالا الحمد للة راضى كل الرضا و مبسوط جدا ووالدى كان معارض عليها جدا و كان زعلان دلوقتى هيزقطط من الفرحة بعد ماركب الفيرنا مع اتنين زمايلة فى الكنبة اللى ورا وحك المطبات و الشكل و الصالون بعد مقارنة طبعا
3 -ما هى عيوب السيارة بكل امانة ؟؟
فى عضة صغيرة من الغيار الاول للتانى و شنطة العربية رخمة و فى ونة كدة بس قلك كدة دة بيروح بعد 5000 كم
و شوية تظبيطات فى التقفيل بتظبطها مع صيانة الالف
4 - وخامات وتقفيل 2013 عامل ايه ؟؟؟
انا شايف انها مقبولة بنسبة كبيرة و خصوصا انها ببلاش بالنسبة للعربيات المشهورة بس انا رأى التبلوة زى الفل لا غبار علية
5 - السحب واستهلاك البنزين والعفشة و الفتيس اخبارهم ايه؟؟؟
السحب - فوق الهايل انا اول ما جبتها جديد خرجت الجماعة و كانت عندنا واحدة قريبتنا بالصدفة فكان
3 ورا منهم 2 حجم كبير و اتنين قدام و انا بسوق كنا 6 و شغلت التكييف و كان سحبها رااااااائع و دا كان للتجربة بس العربية عايزة تجرى بتستهبل و انا لسة متعلم سواقة جديد ههههههههههههه
استهلاك البنزين - بص انا اول ما جبتها حطيت بنزين 92 ب 80 جنية فولتها بس كان فيها من الاول و مشيت بيهم لكتر من 420 او 450 كم مع تشغيل التكييف شوية بس قالو بردو بعد 5000كم هيقل تانى و يبقى احسن
العفشة ناعمة جدا جدا
الفتيس زى ما قلتلك فى عضة و هبقى ازبطها فى صيانة الالف و بدوس دبرياج لللاخر بس هيا سعات بتبقى كويسة و سعات لا مش عارف ممكن يكون العيب منى هبقى اركز معاها
اتمنى اكون فهمتك كل حاجة عايز تعرفها
و كل دة رأى الشخصى و حسبتى الخاصة فى المقارنة بين العربيات و تجربتى الشخصية للعربية
شكرا ور بنا يوفق الجميع

[hanyyyyyy]

ايه الحلاوة دى يابيييييييييييييييييييييي ييييييييييييييييييييييييي يييييييييييييييييييتر