تعديل فيات 126 لاوتوماتيك ... وبعض المشاكل ...

[eslamafify]

المشاركة الأصلية كتبت بواسطة cars admire لو سمحت يا استاز اسلام ضرورى تغير بوجيهات وفلتر هواء وفلتر زيت وسير كاتينة الموتور وزيت موتور كله بالكامل جديد ضرورى !علشان ممكن الموتور اول لما يدور يقطع سير كاتينة لا قدر الله! :GR OWIN~12:

تمام يا كبير المعلمين علم وينفذ
بس مقولتليش افضل زيت ايه واجيبه كام الف
انا لسه هسقط واظبط فرامل وامشى بالعربية كده اسبوعين تلاته ولا شهر اطمن ان كل حاجة تمام وبعدين هبقى انزل الموتور وابدا اقوى شاسيه واشد العربية

والفتيس انا اتاكدت انه cvt
مكتوب جنب مقاس الزيت Ecvt
اجيبله زيت ايه
واعرف منين بياخد كام كيلو (بيبقى مكتوب عليه؟)
انا دورت عليه بالكود بتاعه موصلتلوش وبغير الكود موصلتلوش بردو
الى لقيته شبهه بس مش هو

المشاركة الأصلية كتبت بواسطة ramy safwt الله يكرمك يا شيخ ما تغير الهاف انجيكشن خليه يا عم و مبروك على الموتور هجيبلك طاقم نضافة للرشاش هيخلى الموتور يرجع زيرو و بعدين نحط طرمبة بنزين خارجية و اير ماس رياضى و تربو و الموتور ده هياكل الاسفلت ان شاء الله بس بلاش تقلب كربيراتير و اعمل سيرفيس الموتور قبل ما تدوره عشان تشتغل على نضافة

رامى باشا منور
انا كلمتك اول ما اشتريت بس كان تليفونك مغلق

الله يكرمك متغرينيش بموضوع الهاف انجكشن واداء التربو عليه عشان بضعف

انا قبل اما اشترى الموتور كنا واقعين فى عربية طلعت عين ابونا بسسب سلك فاصل فى كتاوت الضبل ريله

بعدها بيوم وانا عند التاجر واد بيشد 26 بردو كان بيشد شعره بسبب الضفيرة ونفس الكتاوت

قفلونى من اى حاجة بكنترول

انا قولت موتور الريجاتا ال 1500 الاتنين باب هيبى حامى جدا
مع اسبراتير الكترونى هنظبط الاداء
بعدين لو كل حاجة تمام اجيبلها ضفريتها بكونترولها بعدين بس يبقى الاساس عندى اعرف اتعامل معاه لو زهقت افكه واركب كربراتيرى

عايزين نعمل الكونفرت جير بوكس بقا يا هندسة

المشاركة الأصلية كتبت بواسطة كومندا مبروك يا اسلام بس مقلتلناش الاسعار ايه وهتركب عند مين

اه يا باشا والله انت تمام فكرتنى
انا كنت ناوى اكتب كل الاسعار بالتفصيل معرفش نسيت ازاى
يلا ملحوقة
الموتور كامل بكمبروسير التكيف وطلمبة الباور والفتيس بـ 4250
اكراميات للشباب 100
نقل 80
يبقى كلو 4430 حتى الان
اما نشوف بقى السيرفس بتاعه والبلاطة بتاعت الكربراتير هيكلفونا كام
ولسه العصاية بتاعت الاوتوماتيك مجبتهاش التاجر محضرهالى اما اشوف هيحسبهالى بكام
الكلام ده من الحرفيين

[eslamafify]

افتح موضوع جديد يا جماعة ولا نكمل هنا؟
اه رايكوا؟

[Marlborooo]

الف الف مبرووووووك وان شاء الله العربية تخلص افضل من اللي نفسك فيه

[ahmed_eng2001]

الله ينور عليكو ... شغل عالى فعلا
انا اقترح فتح موضوع جديد

[AbOnOrA]

ألف مبروووووووووووووووووووووو وووك

وتسلم الايادى وانا مع فكرة فتح موضوع جديد ونحط الرابط هنا وممكن نقفل الردود هنا علشان المتابعة تبقى فى الموضوع الجديد