رد: عايز اجيب (شيفورلية افيو جميع الكماليات)
بص يا سيدي، اعرف تمامًا إننا في عصر العولمة، وده معناه إن سعر كل شيء مناسب لإمكانياته، صحيح ممكن تلاقي عربيات الفئة الواحدة مميزاتهم وعيوبهم مش زي بعض، لكن المحصلة واحدة، عربية فيها عيب في العفشة، لكن موتورها حلو، والثانية في عيب في الماتور لكن عفشتها حلوة وغيره وغيره، فحضرتك لما بتقارن بين عربيات الفئة الواحدة بيبقى بهدف الوصول للمميزات المناسبة ليك والعيوب الغير مؤثرة برده بالنسبة ليك، لأن بالنسبة لغيرك ممكن يكون العكس، ومتطلبات الشاب غير البنت غير الرجل غير كبير السن، وعربيات الشباب غير العربيات العائلية، وهكذا.
وعربيات الفئة دي كلها بتتقفل في مصر تقريبا يعني، يعني في النهاية إنت وحظك، وإنت عارف بق التوكيلات عندنا عاملة إزاي.
شوف إنت عايز إيه من العربية واسأل وجرب ودور واستخير ربنا سبحانه وتعالى، وربنا يوفقك
|