عايز اجيب (شيفورلية افيو جميع الكماليات)
 

السلام عليكم اخواني في المنتدي انا متعمد اكتب الموضوع دة ولازم الناس تقرأ بجد
انا زي ما انتوا عارفين كنت عايز ابيع سيارتي واجيب عربية جديدة (زيرو) وكنت محتار شوية ما بية كام عربية كدة والحمد اللة كانوا استقروا في النهاية علي سيارتين والحمد اللة بعت سيارتي
انا كنت عايز اجيب (شيفورلية افيو جميع الكماليات) وكتبت هنا في المنتدي ونااااااااس كتيرة اوي قعدوا يخوفوني منها وانت بترمي فلوسك في الارض والي مخلي العربية مش عربية وحاجات كتيرة
بصراحة وبوجة كل الشكر والتقدير لكل من شارك في موضوعاتي
ليا رجااااااااااااء بعض الناس تلاقي الواحد بيقول العربية فيها كذا تروووح مكملة وتقول ايوة صح وفعلا يا جماعة لو محدش جرب ولا عارف شي بلاش علشان ممكن يحصل مشاكل دا اولا
ثانيا .....انا روحت وجربت السيارة وسقتها العربية ممتازة جدااااااااااا وتكيف زي الفل (تلاجة زي ما يقال)العفشة ناعمة مش بحس بالمطبات ولا في اصوات ولا غيرة العربية الي انا سقتها دي عاملة 750 كم فقط يعني لسة جديدة دي بتاعت واحد صحبي
التانية ما انا مش هرمي فلوس في الهوا زي ما بتقولوا بتاعت جاري بيشتغل في السويس يوميا بيسافر بيها لحد قرب السويس كدة والعربية عاملة 85000 كم ولاهي العربية ولا اكنها عاملة 10000كم بتركب ولا بتحس باي شي وبيشكرلي فيها وبيقولي مش بتاكل بنزين ولا اي شي وناعمة وسحبها ممتاز اوي
وكا شكلا ممتازة من الداخل اوي وزي الفل ومن الخارج معقولة
في النهاية منين الكلام الي انا سمعتوا هنا في المنتدي والي انا جربتوا بنفسي وبشوفوا بعيني
علي العموم دا راي الشخصي وانا فقط اتحمل نتيجة اختياري عندما انوي نهائيا عليها
وشكرااااااااااا وارجوا احد مؤسسي المنتدي انا ياخذوا هذا الموضوع في الاعتبار وخاصة اني مشفتش سيارة مفهاش مشاكل كل السيارات مطلعين عيين .................. وبحس اني هركب عربية لعبة

رد: هااااااااااااام جدا الي كل من في المنتدي الكرام
 

انشاء الله توفق في اختيار العربية

رد: هااااااااااااام جدا الي كل من في المنتدي الكرام
 

انا اعرف واحد معاه العربية دي ...مافيش الهبل اللي في انت ابدا ..

بيجري بيها عادي جدا..مريحه وكبيرة من الداخل وشيك

اللي بيقول ارمي فلوسك في الهوا والكلام اللي لا بيودي ولا يجيب سيبك منه

رد: هااااااااااااام جدا الي كل من في المنتدي الكرام
 

رد: عايز اجيب (شيفورلية افيو جميع الكماليات)
 

هو بصراحة انا مش فاهم بالظبط حضرتك عايز ايه من ورا الموضوع بس مهم ان حضرتك تراعى تسميه عنوان الموضوع بما يدل على محتواه بعد اذن حضرتك انا غيرت اسمه لما يلائم المحتوى

نيجى بقى لموضوع حضرتك
اكيد مهما كانت الحاجات اللى تؤخذ على الافيو فهى عربيه معقولة مهياش فانوس رمضان ولا هى توك توك هندى هى عربيه اقتصادية وبما انها مجمعة فى مصر فينطبق عليها نظرية البطيخة وانت وحظك ونصيبك من مشاكل التجميع ممكن يطلع عندك مشكله ولا اتنين بساط يتحلو فى اول صيانة وخلاص وممكن تحصلك مشاكل تزهقك من العربيه خالص وده ينطبق على كل العربيات فى الفئه ديه تقريباً

فيه كمان نقاط تانية مهمة
اولاً لو حضرتك نازل من عربيه مستوها اقل وركبت عربيه مستواها اعلى كده كده هتحس انها كويسه مفيش مشكلة غير لما يبقى حد ركيب وركب كذا عربيه اعلى واقل وبيشترى عربيه متوسطه او اقل ومتوقع منها اداء وطلع اقل من المتوقع هيفضل مش عاجبه ادائها مهما كان فيها مزايا

ثانياً عربيات الفئه ديه مفيهاش حاجة سيئه تماماً ولا جيدة تماماً
يعنى الثبات مش هيبقى خرافه وبرضو مش هتبقى سيئة للغاية الا لو فيها مشاكل تجميع نفس الكلام ينطبق على الفرش والاكسسوارات وعلى العزل وعلى قوة الموتور وقوة الفرامل الخ الخ

يعنى هى فى الاخر وسيلة انتقال متوسطه لاهى قمة الرفاهية والاداء ولا هى اسواء عربيه فى السوق المهم تكون عجباك ومقتنع بيها وراضى بيها علشان تحس بقيمة الفلوس اللى هتدفعها فيها

بس ديه كل الحكاية فانت عجباك العربيه اتسخير ربنا وتوكل على الله واشتريها لسه قلقان منها اطلب مقارنه بينها وبين البدائل التانية وفكر تانى واحسبها لحد ما تشوف انت اميل لايه وافتكر دائما ان مفيش عربيه هى الافضل على الاطلاق لكن فيه عربيه هى الانسب بالنسبة لمطلباتك وميزانيتك