عربيتي اتسرقت !! أرجو المساعدة

[Payoo]

والله العظيم انا فرحت جدا جدا مش قادر أقولك أد أيه


بس على فكره بقى أنت كده المفروض تعمل معايا واجب كبير قوي قوي لأني قولت لك على حكاية "محمد الحسيني" زميلنا في المنتدى القديم وأنه واحد شاف له العربيه بتاعته بعد ما أتسرقت مرمية في منطقة تانيه وراح بلغه

وأنت برضه حصل معاك نفس الموضوع يبقى أنا أتنبأتلك بإنك هاتلاقي العربيه من قبل ماتلاقيها واديك لاقيتها زي السيناريو إللي حاكتوهلك قبل كده
وقلت لك

المشاركة الأصلية كتبت بواسطة Payoo لا حول ولا قوة إلا بالله ربنا يعوض عليك بأحسن منها إن شاء الله .... وعشان يكون عندك امل هاقولك إن كان في واحد من زملائنا في المنتدى القديم أسمه محمد الحسيني عربيته برضه أتسرقت واعلن عنها في المنتدى وبعد أيام أو أسابيع قليله ربنا وفقه ولقاها في شارع مصر والسودان وكانت ناقصة الكاسيت والنِمَر إن شاء الله تعالى ربنا مش هايخذلك ابدا وهاتلاقيها بإذن الله

يبقى أنا هاخد لقب مـُنجم المنتدى

بس يخسارة كذب المنجمون ولو صدقوا

[TAREK ZIAD]

ألف مبروك إنك لقيتها .... و ربنا يعوضك عما سرق ... و لعله خير .... الحمدلله الذى لا يحمد على مكروه سواه

[أبو عبد الرحمن]

بارك الله فيكم جميعًا يا إخوة
وانت يا (بايو) تستاهل فعلاً واجب كبير أوي أوي
.
.
.
وأفضل واجب أقولهولك هو: (جزاك الله خيرًا) فمن قالها فقد أبلغ في الثناء
وربنا يبارك فيكم جميعًا
والحمد لله على كل حال

[hazem_khidr]

الف الف مبروك انك لقيت العربيه
و يعني لما تغير شويه حاجات زي دي اهي حتغيرها لنفسك و لعربيتك
الحمد لله
و نصيحه اعمل زي ما بايو قالك كده

خامسا قم بعمل مفتاح فصل لدى اي مركز خدمة او كهربائي سيارات عادي

دا بجد احسن حل و دايما بعمله في كل عربيه بجيبها
مهما الحرامي حاول يدورها لا يمكن تدور ابدا

[AbOnOrA]

بتخبى المفتاح فين يا حازم ؟ عطلانتعالالي