|
عربيتي اتسرقت !! أرجو المساعدة
السلام عليكم ورحمة الله وبركاته فقد تمت سرقة سيارتي ليلة السبت 7/6/2008 من تحت منزلي بشارع البرج متفرع من شارع الأربعين خلف حديقة بدر - جسر السويس - القاهرة ومواصفاتها: نصر 128 موديل 1986 لون أزرق بترولي رقم: (801703) ملاكي القاهرة (مرور السلام) كان فيها خبطة في باب السائق (الأيسر الأمامي) دخّلت الصاج لجوة (الله أعلم الخبطة موجودة لسة ولا الحرامي حرامي محترم ممكن يكون سمكرها قبل ما يرجعهالي!) فمن يجد سيارة بهذه المواصفات مركونة في أي شارع أو وجدها حتى تسير في الشارع بهذه النِمَر أرجو أن يتصل على هذا الرقم للضرورة 0105397300 أخوكم: محمد مع العلم أني بلغت مباحث السلام ومباحث سرقة السيارات بمديرية أمن القاهرة ولكن لا جديد حتى الآن ولا حول ولا قوة إلا بالله والسلام عليكم ورحمة الله وبركاته |
رد: عربيتي اتسرقت !! أرجو المساعدة
ربنا يعوض عليك يا أخي الكريم
و يجعله في ميزان حسناتك و يبدلك خير منها ،، أنا معظم شغلي في المنطقة دي ،، لو حصل و شكيت في حاجة هاكلم حضرتك ،، |
رد: عربيتي اتسرقت !! أرجو المساعدة
ربنا يعوض عليك يا محمد وان شاء الله تتلاقى يارب
بس اهم حاجة انت تتعب شوية وتزن عليهم فى القسم كل شوية وانا اعرف ان لو حد ليه واسطة ممكن يتعمل بيها اشارة على كل الكمائن والطرق بحيث لو اللى سرقها فكر يخرج بيها من القاهرة يتمسك بس الواحد ياخد عبرة ومحدش بقى يسيب العربية من غير وسائل تأمين لان السرقات كترت اوى اوى اليومين دول يا يركب انزار او العصايا اللى بتركب على الدريكسيون يعنى يصعب الموضوع على الحرامى شوية وياريت اللى عنده اى معلومة او عنده معرفة بحد يقدر يساعد اخونا محمد ميتاخر عن تقديم المساعدة لوجه الله ربنا يرحمنا جميعاً |
رد: عربيتي اتسرقت !! أرجو المساعدة
لا حول ولا قوه الا بالله ربنا يعوض عليك ويجعلة فى ميزان حساناتك
|
رد: عربيتي اتسرقت !! أرجو المساعدة
الإخوة الكرام:
أحمد أنور أبو نورا أحمد صلاح جزاكم الله خيرًا على ردودكم الطيبة، ولا أوقعكم الله في ضيقة ولا في مصيبة سرقة سيارتكم وبارك الله فيكم |
| الساعة الآن 12:17 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017