حجزت سايبا برايد الإيرانيه وهاستلم خلال إسبوع

[ألفريد ألفي]

...
يا جماعه ماحدش عطاني اي اضافت او ردود .. فين الناس بتوع السايبا .. وفين أبو نورا .. انا هاستلم خلاص يوم الاحد ..

فينك يا ابو نورا

[mahmoudsamy7]

الف مبروك يا باشا العربيه افضل ليها بنزين 92 اهم حاجه افحص العربيه كويس شوف كل العدادات شغاله و لا الكراسي شوفها مربوطه كويس و لا لا اتاكد من التاكيف شغال كويس و ربنا يبارك لك فيها

[abdo982]

السلام عليكم
يا جماعة ... انا اتصلت ب ناشيونال موتورز و قاللى ان مفيش عنده عربيات دلوقتى .. و ان الشحنة الجديدة هتيجى على شهر 2 اللى جاى ... محدش يعرف الشحنة اللى جاية ديه هتكون موديل 2010 ولا 2011 و لا ايه بالضبط ؟ و يا ترى هيكون فيه نفس نظام التقسيط اللى كان موجود قبل كده .. اللى هو دفع 50% و الباقى اقساط على سنتين بدون فوايد ... و يا ترى فى معارض عندها العربية دلوقتى ؟ اسف جدا على الاطالة ... فى انتظار ردودكم

[drasd]

اول مرة اعرف ان التوكيل ما عندوش العربية دي
لو كلامك صح رايي الشخصي ان الدفعة الجديدة هاتبقى اغلى واكيد هاتعدي ال50 الف لو الراي دا غلط ياريت حد ير علينا

[ألفريد ألفي]

المشاركة الأصلية كتبت بواسطة drasd اول مرة اعرف ان التوكيل ما عندوش العربية دي لو كلامك صح رايي الشخصي ان الدفعة الجديدة هاتبقى اغلى واكيد هاتعدي ال50 الف لو الراي دا غلط ياريت حد ير علينا

بالفعل غالبا ده اللي هيحصل .. وقت ما اشتريت بتاع المبيعات قالي ان اللي هينزل هيكون بسع اكبر بمبلغ مش اقل من 5000 جنيه وغالبا هتكون هاتشباك .. بس مدى مصداقية المعلومه ايه ماعرفش يعني ممكن تكون صح وممكن تكون بغرض انه ينشط مبيعات الموجود .. بس في المجمل هي صفقة رابحه للي محتاج حاجه عمليه وبعيد عن المظاهر .. بجد عربية شغل .


ألفريد