حجزت سايبا برايد الإيرانيه وهاستلم خلال إسبوع
 

الأحباء .. أعضاء مصر موتورز .. ومالكي البرايد الإيراني

أنا .. ألفريد ألفي .. من المنيا ..

بعد تقصي بين الكتير من الماركات استقريت ع السايبا الإيراني وحجزتها أنا إخترتها لعده أسباب بخلاف السعر لأن كان ممكن أزود وأجيب أحسن .. بس حسيت إن مستلزمات تشغيل العربيه دي في متناول الايد ومنتشره بخلاف حاجات كتير تاني وع الأقل هتكون أفضل م الصيني ، وكمان كتير م الصنايعيه بيفهموا فيها .

عاوز منكم اللي معاه السايبا ينصحني بإيه في التعامل معاها خصوصا إن دي أول عربيه في حياتي ، وأنا مش باسوق كويس يعني لسه يعتبر باتعلم ، وده من أسباب إني ما جبتش حاجه أعلى علشان أول عربيه بتبقى زي ماتكون حقل تجارب للواحد .

ناس قالت انها لازم تشتغل ببنزين 90 ، وناس قالت عادي الـ 80 باعتبار ان التاكسجيه مشغلينها بيه عادي بالذات النقطه دي محتاج رأيكم فيها ..وكمان اللي اشتراها يقولي هاستلم ايه معاها من ورق وحاجات تاني وخلافه .

مستني مشاركتم وأرائكم وكمان نصايحكم
أخوكم .. ألفريد

رد: حجزت سايبا برايد الإيرانيه وهاستلم خلال إسبوع
 

wat is ur phone number?

رد: حجزت سايبا برايد الإيرانيه وهاستلم خلال إسبوع
 

اول نصيجه سيبا برايد انجكشن مش كربرتير يعني انسى بنزين 80 فكر في 90 او 92

رد: حجزت سايبا برايد الإيرانيه وهاستلم خلال إسبوع
 

أولا ألف مبروك العربية وربنا يديك خيرها ويكفيك شرها المفروض انك وانت بتستلم العربية تبص كويس علي كل حتة فيها وتختبر كل حاجة زي التكييف والاضاءة وتشغل المحرك وتشيك علي العدة اللي في شنطة العربية اللي هي كوريك ومفك ومفتاح عجل وتجرب فتح وقفل الابواب ومكن الزجاج والمفروض انك بتاخد الفاتورة + صورة من الافراج الجمركي

رد: حجزت سايبا برايد الإيرانيه وهاستلم خلال إسبوع
 

ابعتلي رساله ع الخاص