عزيزى قائد السيارة - احترس انت فى مصر ما بعد الثورة

[ehabnbd]

المشاركة الأصلية كتبت بواسطة ahmed_eng2001 السلام عليكم .... اى شعب فى العالم ... لو شلت من عليه الرقابة تلاقيه حيبدأ ينحل اخلاقيا ... يعنى ميخفش من العقاب ... و بعدين يبدا ياخد حقه بدراعه دون مراعاة لاى قوانين اعتقد ده الى بيحصل فعلا فى الشارع ... ..... نحط قوانين عادلة و نثبت عليها فى تطبيقها على الجميع ... و نوعى الناس بالحسنى و بالهدوء لمدة لا تقل عن 10 سنين ... انا مش ببالغ .. مش اقل من 10 سنوات من محاولة الانظباط و التوعية و بعدين ممكن نحكم

النسبة كام لكام ( نسبة اللى هينحل واللى هيفضل ملتزم ؟؟ )
وهنا الاختلاف النابع من مستوى الشعب الحضارى والفكرى والتعليمي والتربوى والاقتصادى

عندنا المحترم نفسه واحد فى كل كام عشر الآف

(( لو فلت الزمام فى هولندا مثلا ما مدى الانفلات الشعبي - نسبته )) وقارنها بالنسبة لمصر


آسف نحن معظمنا وغالبيتنا وليس كلنا غوغاء


لما بقف بعربيتى لواحد عاوز يعدى الشارع واشاور له اقوله عدى بيشكرنى كانى عملت فيه حاجة كبيرة ، واللى ورايا بيصدعنى كلكسات وكانه بيقولى انت بتعمل ايه يا "متخلف" !!!

[ehabnbd]

المشاركة الأصلية كتبت بواسطة lost2008 انا بفكر كتير ابيع عربيتى و اشترى نيفا مستعمله كده حل كويس من غير مستنا الناس تتغير و اريح اعصابى بس حتعب عضلاتى

والله يا اخى فكرتنى بعربيتى الـ 124 كنت معلم الناس الادب والكل عامل لها حساب وخصوصا بتوع التاكس والتوكتوك

دلوقتى انا اللى عاملهم الف حساب

[ehabnbd]

المشاركة الأصلية كتبت بواسطة Moh.Osama انا امبارح عملت حدثة بسبب ان الاشارة الكمبيوتر مفصوله ليه معرفش

طيب دا كمبيوتر وعلق ودا شئ مقبول لكن ،
لما يكون عندنا سلطانية لها 3 مداخل و 5 مخارج وليس بها اشارة واحدة وعليها 2 عساكر

العساكر واقفين مع بعض بيحكو فى نفس المكان
ومختارين مكان عجب تقاطع مدخل للميدان مع مخرج

واقسم بالله

الاتنين مع بعض ادو اشارة واحدة فى نفس واحد لكل اتجاة انه يمش
طبعا انا كنت مع الداخلين السلطانة ، والاتجاه التانى طبعا عاوز يخرج وعينك ما تشوف الا العجين واللخبطة والكلاكسات

الدنيا وقفت

والعساكر قعدوا يضحكوا

وانا كمان قعدت اضحك وبصوت عالى

[lost2008]

المشاركة الأصلية كتبت بواسطة ehabnbd والله يا اخى فكرتنى بعربيتى الـ 124 كنت معلم الناس الادب والكل عامل لها حساب وخصوصا بتوع التاكس والتوكتوك دلوقتى انا اللى عاملهم الف حساب

انا زمان بال128 مكانش بيهمنى انما دلوقتى للاسف ﻻزم ابعد عن الميكروباص و التكاتك و اكتم غيظى

[ahmed_eng2001]

المشاركة الأصلية كتبت بواسطة ehabnbd النسبة كام لكام ( نسبة اللى هينحل واللى هيفضل ملتزم ؟؟ ) وهنا الاختلاف النابع من مستوى الشعب الحضارى والفكرى والتعليمي والتربوى والاقتصادى عندنا المحترم نفسه واحد فى كل كام عشر الآف (( لو فلت الزمام فى هولندا مثلا ما مدى الانفلات الشعبي - نسبته )) وقارنها بالنسبة لمصر آسف نحن معظمنا وغالبيتنا وليس كلنا غوغاء لما بقف بعربيتى لواحد عاوز يعدى الشارع واشاور له اقوله عدى بيشكرنى كانى عملت فيه حاجة كبيرة ، واللى ورايا بيصدعنى كلكسات وكانه بيقولى انت بتعمل ايه يا "متخلف" !!!

بص يا باشا ...
لو حصل انفلات فى هولندا حتلاقى نسبة صغيرة هلى الى انفلتت .. ليه ؟؟ علشان الناس دى بقالها 30 سنة ماشيين كويس ... شاربين و منقوعين فى النظام .. لما خزين النظام يخلص منهم حتبص تلاقى كل الشعب انفلت

احنا مش شاربين و مش متشبعين بالنظام ... بالعكس ... احنا شاربين فوضى و ظلم و لا مبالاة بقالنا سنين كتيرة اوى ... لما يخلص مننا الارث الغريب ده .. و لما تخلص مننا حنوصل لنقطة الصفر ..
علشان تخلص مننا الحاجات دى يبقى لازم ننقع نفسنا و نحقن الشعب دائما بالحاجات الكويسة .. علشان كدة قلت لحضرتك مش بعد 10 سنين من الحث المتواصل و المجهود المتواصل ممكن نشوف نتيجة ان شاء الله ... و يدى اولادك و اولادى طولة العمر