تغير جيربوكس الفيرنا من مانيوال الي اوتومتيك

[mohamed ibiza]

كونصوله .. فتيس .. عصاية فتيس .. عدادات .. ردياتير اوتوماتيك .. علي الاقل هتغير كبالن داخلي .. و احتمال كبير برضه تغير بوابة الانجكشن لو فيهم اختلاف المانوال عن الاوتو .. ريح دماغك و بيعها و هات اوتو

[ايمن منصور ((عباسى ))]

اولا شكرا علي كل الاراء ووجهات النظر
ثانيا التعديلات الي بتقولو عليها كلها تخلص في ساعتين
العداد حتشيل عداد وتركب بتاع الاوتوماتيك يعني حتفك 4 مسامير وترجع تربطهم
الكونسوله بتركب ب2 مسمار
الجير بوكس حيتجاب كامل وبعدين مفيش تعديل في فتحات المسماير لان الماتور واحد
مفيش تغير في الكبالن --ممكن تكون الاكسات الي بتنقل الحركه من الجير الي الكبلان
اما تغير الردياتير حيتغير ليه !!!
الدراع الفتيس سهل جدا تغيره
وبعدين ياجماعه الفيرنا الاتوماتيك مش منتشر فده بيخلي الي عنده حجتها عايز يخلص منها
لان اي حد مثلا عايز ماتور استعمال مش حيحتاج الجير الاتوماتيك فحتلاقي بتاع قطع الغيار كده كده فكه ورميه علي جنب لان 95% من الي حيجيلو عايز حجات المانيوال مش الاتو
معني كده انو عايز يبعهم باي سعر
فطبعا حتلاقي الكنسوله ملهاش لازمه في عربيه مانوال
وكمان الفتيس والعدادات والردياتير والاكسات دي لومحتاجه تتغير
يعني ممكن تعمل معاه صفقه وتخلصه منهم بسعر حلو
المهم ياجماعه احنا عيزين نعرف ايه الي حيتغير بالظبط

ياريت لو حد عنده خبره يفدنا في الموضوع ده

[سيداحمد]

العزيز الغالى ايمن منصور طبعا لازم تغير الردياتير علشان بيتم تبريد زيت الفتيس فى مكان منفصل اسفل الردياتير بخرطومين واحدخارج سخن والثانى داخل تبريد وبعدين تعالى هنا خد انت بتقول هاشيل العدادات واحط غيرها وخلاص طيب ايه اللى هاينور الp r n d 1 2 لازم كهربائى يلعب فى الضفيره انا اتفق مع كورسير ومحمد ابيزا انك تبيعها وتجيب اوتو افضل كتير وربنا يوفقك

[mesho70]

- اضم صوتى لصوت من يرديك تغير السيارة كاملة
- فأنا غيرت ماكينات رفع الزجاج فى الاكسنت القديمة من عادى الى كهرباء
- فطلعت روحى معاها فما بالك بتغير جير كامل ؟؟

[AHMEDCAR]

المشكله مش فى لوحه العدادت لان الفيرنا الاتوماتيك اصلا مافيهاش لوحه عدادت للفتيس الاتوماتيك المشكله انه لازم يغير كنترول العربيه وبواحد كنترول اتوماتيك و يجيب كمان كنترول للفتيس الاتوماتيك

ده عن تجربه واحد صديقى عملها فى عربيه لانوس