مش عارفين راسنا من رجلينا

[nktis]

انا معدتش فاهم اللي بيحصل وشايف ان الناس اللي اتظاهروا وكسروا مسرح البالون ديت ناس فاضيه ومعندهاش مشاكل يعني بلطجيه وسمعت انهم ماجورين مقابل 10 الاف عشان يعملوا بلبله تاني في البلد.........

[د.كمال]

المشاركة الأصلية كتبت بواسطة ابوشروق كلامك مظبوط 100*100 يا دكتور والله واضح أوى ان دول من أعوان النظام السابق الواحد فعلن محروق دمه على بلده والى بيحصل فيها انما أول مشفت الى بيحصل ده قولت مش ممكن الناس دى يكون وراها أشغال وأعمال واولاد عايزين يربوهم كويس

أشكرك يابو شروق على المشاركه المفيده

[د.كمال]

المشاركة الأصلية كتبت بواسطة كومندا يا دكتور كمال الناس حاسه انها بيضحك عليها مفيش محكمات عادله والفلوس اللى بره مرجعتش وحكومة عصام شرف تحركتها بطى قوى اهالى الشهداء حاسين ان دم ولادهم ضاع فين القناصه والظباط الى ضربوا المتظهرين بالنار فى كل المحافظات ده غير رموز النظام القديم اللى كل واحد فيهم جايب اكبر محامين فى البلد والمحامى فريد الديب اللى طالع يقولحسنى مبارك مكنش هيورث ابنه وحسنى مبارك اضحك عليه فى معركة الجمل وحسنى مبارك معندوش اى فلوس بره مصر وكل اللى عنده 6 مليون جنيه فى بنوك مصريه يعنى شويه شويه هيبقا الشعب المصرى هوه اللى غلطان فى العصابه كلها عايزين رئيس الورزاء كل اسبوع مثلا يطلع يهدى الناس ويوقلهم احنا وصلنا لفين وبنعمل ايه ويرد على اسئلة الناس مش عيزين نعيدوا تانى تبقا الحكومه فى حته والشعب فى حته

المحاكمات هتاخد وقت وإحنا إللى إخترنا وزير العدل يبقى لازم نثق فى القضاء .
الفلوس إللى بره مش هترجع فى يوم وليله دى عايزه وقت مش أقل من سنتين ده لو كان فى فلوس أصلا ...كل إللى بنسمعه ده إجتهادات ومفيش دليل .
الحكومه إحنا إتفقنا إنها حكومه تسيير أعمال يعنى حكومه مؤقته وهتمشى بعد 6 شهور .
أشكرك يا كومندا على المشاركه وإبداء رأيك

[د.كمال]

المشاركة الأصلية كتبت بواسطة محمد التهامى هو اى حد يعمل حاجه مش مضبوطه تقولوا من اعوان النظام السابق ايه يا جماعه هو النظام السابق كان مين ؟ كان انت وانى ومعظم الناس حاول تصلح نفسك اولا ومش كل مصيبه يقولوا عليها النظام السابق

إحنا فينا الوحش والحلو لكن الضوء مصلت اليومين دول على الوحش .
شكرا ياأستاذ محمد على المشاركه

[د.كمال]

المشاركة الأصلية كتبت بواسطة nktis انا معدتش فاهم اللي بيحصل وشايف ان الناس اللي اتظاهروا وكسروا مسرح البالون ديت ناس فاضيه ومعندهاش مشاكل يعني بلطجيه وسمعت انهم ماجورين مقابل 10 الاف عشان يعملوا بلبله تاني في البلد.........

والله ربنا يستر على البلد من الناس دى
شكرا يادكتورنا على المشاركه