تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز

[أحمد عثمان محمد]

المشاركة الأصلية كتبت بواسطة sayed2077 بص بالنسبه للتكيف فثمنه كامل وشامل كل شىء ب 2800 جنية وطبعا علشان تاخد افضل اداء فيفضل انك تخليه يعملهولك زى الشاهين اللى حاطط صورها والفديو بتاعها وتبقى وحدة التكيف عاملة زى التكيف الاسبليت كده وفعلا تبريدها ثلج بمعنى الكلمه نيجى بقى للعزل بالنسبه للعزل فطبعا هتحتاج تفك الطابلوه علشان تعزل الكابينة عن الحوض كويس فديه ممكن وانت بتركب التكيف تقول للراجل وهو يفك لك الطبلوه وهناك فيه سروجى قريب منه بيعمل العزل للسيارات بس زى ما قولت لحضرتك لازم تكون فاكك الطابلوه وديه الراجل وهو بيعملك التكيف اتفق معاه على كام هيفك ويركب الطبلوه ليك واول ما يفكه ليك تروح للسروجى تخليه يعزلك الصالون عن حوض الماتور وترجع تكمل شغل فى التكيف ويركبلك الطابلوه تانى وبالنسبه لمروحة الاوبل فالشاهين اللى انا عامل الموضوع عليها شغالة عادى جدا بمروحة الشاهين بتاعتها وعلى العموم جرب لو لقيت العربيه هتسحن معاك ابقى هات مروحة الاوبل وبعد كدا مش هتتاثر بالحرارة نهائيا حتى فى اشد الايام حرارة وتم ارسال الرقم والعنوان وفيه عضو من الاسماعلية راح وركب التكيف عنده على سيارة شاهين والحمد لله مبسوط جدااا من التكيف وطبعا لازم تاخد معاد مسبق معاه علشان بيبقى زحمة جداااا وياريت تبقى تعمل تقرير عن التكيف وتركيبه ومبروك مقدما

: CONGRA~238::C ONGRA~238:

[karamany]

المشاركة الأصلية كتبت بواسطة sayed2077 وعليكم السلام ورحمة الله وبركاته ينفع ان شاء الله يركبلها التكيف اخى بدون اى مشاكل وبالنسبه لموضوع السخونية لو حضرتك مركب مروحة 128 هتضطر تشيلها وتركب مروحة شاهين او اى مروحه قوية وبالتالى مش هتتاثر بالسخونية نهائيا حتى فى عز الايام حرارة وبالنسبه لسحب العربيه كانك مركب واحد معاك يعنى السحب بيقل كانك مركب واحد جنبك بالظبط ولو حضرتك تلاحظ هتلاقى الشاهين اللى ركب عليها التكيف فى الموضوع ده هتلاقيها 1300 وشوف جسم الشاهين اكبر من ال 128 فاكيد والشاهين سحبها كويس وبصراحه فى الجو اللى احنا فيه ده كل حاجه تهون مقابل التكيف وعموما مسئلة قلة السحب ديه بتظهر فى اى سيارة مركبة تكيف لما بتشغل التكيف وتم ارسال العنوان ورقم التليفون للجميع

ربنا يبارك لك
طيب لى سؤال تانى هل احتاج تغيير التابلوه علشان التكييف او فى اى تجهيزات حاعملها قبل ما روح له؟
وشكرا

[sayed2077]

المشاركة الأصلية كتبت بواسطة karamany ربنا يبارك لك طيب لى سؤال تانى هل احتاج تغيير التابلوه علشان التكييف او فى اى تجهيزات حاعملها قبل ما روح له؟ وشكرا

لا مش هتحتاج تغير التابلوه نهائيا واى تعديلات مطلوبه لتركيب التكيف الراجل هيعملهالك هناك

[أمير محمد]

ولو حاد عاوز العنوان يقول وان شاء الله هبعتهوله على الخاص

شكرا على الموضوع الرائع
ويا ريت العنوان لو سمحت

[sayed2077]

المشاركة الأصلية كتبت بواسطة أمير محمد ولو حاد عاوز العنوان يقول وان شاء الله هبعتهوله على الخاص شكرا على الموضوع الرائع ويا ريت العنوان لو سمحت

تم ارسال العنوان ورقم التليفون