|
#1
06-06-2012, 01:03 AM
|
||||
|
||||
تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز
السلام عليكم ورحمة الله وبركاته
النهارده كنت عند الكهربائى (كهربائى سيارات و تكيف سيارات) ولقيته بيركب تكيف لعربيه شاهين وللاسف وصلت متأخر كان قرب يخلص خلاص وبعدين قلت اصور لكم التجربة واقولكم رأيى فى التكيف على العربيه مع العلم انها 1300 CC فقط وغير ان الشاهين نفسها تقيله وده الى هنعرفه بعدين اولا بالنسبه للتكلفه والضمان والنوع التكيف نوعه :ساندن يابانى الضمان : لمدة عام كامل شامل كل شىء فى التكيف كله التكلفة 3700 جنيه و ذلك نظرا لذيادة سعر صرف الدولار ( تم تعديل التكلفة بتاريخ 15/3/2013 ) ثانيا بالنسبه لمدة التركيب يوم واحد من اول النهار وتستلم العربيه بليل نيجى بقى لقوة التبريد وديه اللى تهم الجميع بصراحه قوية جدا وفوق الخيال بجد قوية لدرجة انا الى بنزل فى عز الشتا بتشيرتات نص كم بردت من قوة التكيف وعلى السرعة الاقوى للمروحه بيبقى فيه اعصار بمعنى الكلمه فى العربيه فعلا حتى اللى بيبقى قاعد ورا على الكنبه كان الهواء البارد واصله كويس جدا جدااااا تقيمى لاداء التبريد فعلا يستاهل 9.99 من 10 بالنسبه للسحب الشاهين عربيه تقيلة فعلا غير ان الموتور اللى ركب عليه التكيف 1300 يعنى مش مستحمل بس فعلا التكيف مش محمل للدرجه اللى مخلية العربيه زى البطه زى ما بنسمع يعنى العربيه عادى جدا مفيش فرق بين التكيف وبدونه وبصراحه الفرق البسيط فى السحب مش مهم فى مقابل الاعصار اللى جاى على الواحد من التكيف نيجى بقى للصور ديه صور العربيه من برا وكان بيتم افراغ دايرة التكيف من اى هواء علشان التكيف يتشحن على نضيف    وديه العربيه من جوة مع وجود وحة التكيف اللى بتخرج هواء بارد خارج التابلوه (يعنى خلاص كل الى كان بيشتكى ان تابلوه الشاهين لايصلح اساسا لمهمة التكيف ) وفعلا بيؤدى الغرض المطلوب منه بكفائه وزياده كمان   وديه الوحده اللى بنقول عليها وزى ما باين موجود فيها زرارين تحكم  ده زرار قوة التبريد وهيبقى ليه شرح فى الفيديوا اللى هحطه والاسطى احمد بيشرح للزبون كيفية التعامل مع التكيف  وده زرار قوة المروحه كل ما كان اعلى المروحه اسرع وبرضوا هتشوفوا فى الفيديوا وهتسمعوا صوت الاعصار اللى طالع منها  و ده بقى الفيديوا اللى بقولكم عليه وفعلا قوة التبريد قوية جدا فوق الوصف غير ان اصلا المروحه وهى شغالة على السرعه الاولى والتانية بتبقى عامله هواء جميل جدا ولو خليتوها على الخر سرعه بتبقى عامله اعصار بمعنى الكلمه والفيديوا فيه شرح بسيط من الاسطى احمد لصاحب العربيه وانا سألته بكام قالى ب 3700 ساندن يبانى وعليه ضمان سنه شامل كل اجزاء التكيف والتركيب بياخد يوم واحد فقط من اول النهار لاخره ( تم تعديل التكلفة بتاريخ 15/3/2013 ) مع العلم التكيف ممكن يركب على اغلب العربيات حتى ال 128 1100 CC اسم المهندس: أحمد حنفى محفوظ رقم التليفون:01065020100 العنوان : شارع التعاون بالمعادى قريبا من نادى المعادى و جامع الفتح الاسلامى و مكتب صحة المعادى التخصص : كهرباء وتكيف لجميع انواع السيارات بمختلف انواعها وموديلاتها و السلام عليكم ورحمة الله وبركاته
__________________
التعديل الأخير تم بواسطة احمد على 1999 ; 29-05-2013 الساعة 03:11 AM 
|
|
#2
06-06-2012, 01:54 AM
|
||||
|
||||
|
رد: تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز
ماشاء الله لاقوة إلا بالله
|
|
#3
06-06-2012, 03:02 AM
|
||||
|
||||
رد: تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز
الف شكر ليك استاذ هشام على ردك الجميل
__________________
|
|
#5
06-06-2012, 03:17 AM
|
||||
|
||||
|
رد: تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز
تسلم ايدك يا سيد والله فكرة هايلة وتستاهل التنفيذ بس هل ينفع يركب فى جميع موديلات الفيات زى 128 مثلا
__________________
لا اله الا الله ..... محمد رسول الله
سبحان الله وبحمده عدد خلقه ورضا نفسه وزنة عرشه ومداد كلماته وصلى اللهم على سيدنا محمد وعلى آله وصحبه وسلم
|
 |
|
|
