ال 128 بتاكل بنزين جامد

[ahmedsalah]

متاكد ان مفيش تسريب من الخراطيم ولا التانك ولا الطلمبة ؟؟

[zing0]

و غيرت البيك بواحد مقاس 100 بدل 112 و لسه برضه بتاكل بنزين اعمل ايه تانى يا ريت حد يجاوبنى

مين اللى قال لحضرتك إن البك الأضيق هيقلل الإستهلاك, ده فتى صنايعية بدون علم
الخواجه اللى عمل الكربراتير حاطط بيكات بمقاسات تتناسب مع معادلات السحب و الإستهلاك, و أكيد الراجل جرب كل المقاسات للوصول لأفضل أستهلاك قبل ما ينتج الكربراتير
اللى بيحصل اننا بنضيق البك - علشان البنزين الداخل يكون أقل, تقوم المكنه تبرجل و تفصل, تروح فاتح مسمار الهوا و البنزين زياده علشان تضبطها, تلاقيها بقت بتاكل بنزين أكتر.
حاول تشوف البكات الأصلية عندك ايه و تجيب نفس المقاس و تركبه, و لو الأكس و الباب مضبوطين يبقى انسى الكربراتير, و بإذن الله المشكله تكون اتحلت.