#1
|
|||
|
|||
ينفع أرش العربية بنفسى زى الأجانب... و لا لأ؟
كنت بأدور عاليوتيوب على طريقة رش الدهانات و طبعاً كلنا عارفين الطريقة التقليدية عند بتوع الدهان كمبريسور (من 500 جنية و أنت طالع) + مسدس رش و طبعاً شفنا إعلانات paint zoom مالية التليفزيون و النت طيب لو ركبنا مسدس الرش على منفاخ العربية هينفع يرش دهانات و لا لأ أقصد المنفاخ الواحد -2 بستم عاوزين حد يكون ليه خبرة فى المجال ده أو يكون جرب الفكرة و يرد علينا يعنى ميقولش ينفع أو مينفعش بالظن و ازاى نضبط معيار الهوا و الدهان علشان نتجنب ظاهرة التسييل و ظاهرة الغبار (العفرة) أرجو التفاعل و الرد لو مينفعش هل فيه بدائل؟ و ايه رأيكم فى الكمبروسر ده؟ ينفع بالمواصفات دى http://saco-ksa.com/Arabic/Product-details?prodID=25343 [/url]
__________________
|
#2
|
||||
|
||||
رد: ينفع أرش العربية بنفسى زى الأجانب... و لا لأ؟
انا ممكن ارد على جزئية صغيرة لغاية لما حد يكون جرب الموضوع ده يجاوب على بقية الاجزاء ....
فى حالة الرش بمسدس الرش .... انت محتاج هواء متدفق ... و ثابت ... و كتير ... و ده مش حيتحقق الا لما يكون فيه خزان فى الكومبريسور الى انت شغال منه ( انا جايب موتور تلاجة قديم ... و موصله بسخان مياه قديم ( خزان ) ... و بستخدمه فى تزويد اطارات السيارة ) ليه ؟؟؟ لأن ضغط الكومبريسور لوحده مش كفاية .... يعنى .... لازم يرمى الهواء فى خزان ... و حضرتك تاخد الهواء من الخزان بعد ما يكون اتملى بالهواء المضغوط الكومبريسور الى حضرتك ذكرته .... النقاشين بيستخدموه فى رش الحوائط و الابواب الخشبية ... و هما بيقولوا انه فعال جدا !!!!! انا مش عارف ازاى !!! و الكومبريسورات الصينى سعرها رخيص فعلا زر ما حضرتك ذكرت .... على فكرة ... فيه كومبريسور زى الى حضرتك ذكرته ده ب 2000 جنيه ايطالى عند الحجار انا متابع معاك الموضوع علشان بفكر اعمله
__________________
|
#3
|
|||
|
|||
رد: ينفع أرش العربية بنفسى زى الأجانب... و لا لأ؟
شكراً لردك أخى المهندس ahmed_eng2001
ممكن تكون فكرة الخزان دى هيا اللى ناقصة بس لو افترضنا ان كمبروسر العربية الصينى ده ممكن ينفخ هوا بإستمرار لمدة 15 دقيقة مثلاً و بضغط 100 PSI (حوالى 6.89 بار), و بكمية 30 لتر/دقيقة و مع التحكم فى مسمار ضبط الهوا و مسمار ضبط كمية الطلاء فى مسدس الرش أعتقد ممكن الفكرة تنجح بدون خزان هوا المثال ده لأقل جهاز 1 بستم, الـ 2 بستم أكيد أقوى فيه دلوقتى منفاخ يدوى بيرش مبيدات مذابة فى الماء و زيوت على النباتات و موجود فى محلات بيع أدوات الحدائق و ده يدوى, يعنى و لا خزان و لا هوا مستمر, ده داخله هواء متقطع, و بيرش بإستمرار,بس للأسف ميستحملش لزوجة الدهانات لو حد جرب الفكرة هيكون رده قاطع و برضه خبراء الدهان ممكن يفيدونا بخبرتهم و شكراً مرة أخرى لتفاعلك و اهتمامك أخى ahmed_eng2001
__________________
|
#4
|
|||
|
|||
رد: ينفع أرش العربية بنفسى زى الأجانب... و لا لأ؟
انت محتاج حاجة زي ديه عشان مش بتحتاج كميه هوا كبيرة وتنفع مع كومبرسور العربية انا جبتها وهجربها واقولك
Amazon.com: 0.3mm Gravity Feed Dual-Action Airbrush Paint Spray Gun Kit Set |
#5
|
|||
|
|||
رد: ينفع أرش العربية بنفسى زى الأجانب... و لا لأ؟
أستاذ coolhazy
ربنا يبارك فيك منتظرين التجربه و التقرير بفارغ الصبر و مواصفات الكمبروسر المستخدم و النتيجه سواء بالإيجاب أو السلب معلش بنتعبك معانا, بس علشان الكل يستفيد
__________________
|
|
|