إلى خبراء أوبل (عندى كارثة )

[fourbest]

السلام عليكم ورحمة الله وبركاته
بالله عليكم أريد آرائكم في موضوعى هذا وسوف أختصر ولا أطيل عليكم
أنا أشتريت سيارة أوبل أنسجنيا بتاريخ 18/2/2014 توب لاين والحقيقة السيارة قمة في الفحامة والأداء وأنا سعيد جدا بيعا ولكن بعد حوالى شهر من الاستخدام وكنت على سفر سمعت صوت كركرة بعد سرعة 120كم تقريبا فقللت السرعة وأكملت السير حتى شعرت بخنقة في المحرك وسحب ضعيف أضاءت لمبة الصيانة وظهرت رسالة service soon فتوقفت بالسيارة واتصلت بالشركة وحجزت صيانة وعلى فكرة عداد السيارة عامل 1700كم فقط وحملت السيارة على كساحة وذهبت للكيلو 4.5 اسكندرية وبعد الفحص تبين مالايتصوره عقلى وهو أن المحرك لازم يتغير بالكامل لأنه مكسر بساتم ووش سلندر وحاجات كده أنا مش فاهمها وطبعا بعد عدة محاولات لتغيير السيارة بالكامل للأسف لم أستطع ورضيت بالأمر الواقع وسلمونى سيارة كروز أتحرك بيها لحد مايركبوا محرك جديد .
سؤالى هو :- هل تغيير المحرك يؤثر على أداء السيارة بعد ذلك؟
سؤال آخر:- ماسبب حدوث مشكلة ذي دى وأضمن منين أنها ماتحصلش تانى؟
لأنى أنا ركبت عربيات كتير وصناعات مختلفة حتى الصينى ماعملش مشكلة ذي دى .
وآسف للأطالة عليكم ةاستحلفكم بالله سرعة الرد

[ADEL AL SHAAIRY]

للاسف الشديد المهندس الفاشل اللى سلم حضرتك السيارة لم يقم بمراجعة مستويات الزيت والمياه وحالة السيور لان اغلب الظن من وصف حضرتك ان العوامل دى هى المتسببة فى المشكلة - وعموما تغيير الموتور مش مشكلة وهو حل ممتاز فى حالة عدم تمكنك من تغيير السيارة

[fourbest]

تصور حضرتك ياأستاذ عادل المهندس اللى سلمنى العربية شرح الحاجات الداخلية وشاشة العرض والكلام الفارغ ده وجه عند الكبوت وقالى ده بقى ماتفتحوش لأنك مش هاتحتاج تبص عليه أساسا بس للأمانه أنا لآخر وقت كنت شايف مستوى المياه سليم والعربية مابتسخنش ولكن الزيت مابصتش عليه لانى أستبعدت أنه يكون ناقص مثلا ولكن أنا باقول يمكن نوع الزيت الألمانى اللى جاى فى العربية يكون مناسب لأجواء ألمانيا مش لأجواء مصر .. يعنى هو مجرد تصور