عايز اشتري سيارة فيات 128 او فيات 131 و محتاج رايكم

[tahoo]

السلام عليكم ورحمه الله وبركاتة

اتمني ان تنصحوني في السيارة اللي عايز اشتريها ان شاء الله

انا بفكر في سيارة 128 و عندي 15 الف ممكن المبلغ يزيد الفين تلاثة

لما اتكلمت مع بعض اصحابي قالوا اشتري 131 اكبر و اي شغل فيها هيبان و سعرها مش هيبعد عن

المبلغ بتاعي قوي و ناس تانية قالوا ان فيها عيب في الفتيس بيخرب بسرعة


بصراحة ان ناوي اشتريها قريب جدا ان شاء الله بس مش عايز سيارة ادبس فيها من اول يوم

لان ممكن تكون في انواع قريبة من المبلغ اللي معايا بس انا مش واخد بالي منها . اتمني انكم تفيدوني في

الاختيار و ان شاء الله ربنا يوفقنا للخير و جزاكم الله كل خير علي النصيحة .

[AbOnOrA]

بص يا باشا اهم حاجة فى المستعمل الحالة ايه
فانت مش علشان تجيب 131 اللى هى اوسع واعلى من 128 مفيش كلام تروح تجيب حالة وحشة على قد الفلوس وتفتح بقها وميبقاش معاك تصرف عليها وترهق ميزانيتك اصلاحات وقطع غيار كل شوية
كمان لو معاك 15 يزيدو الفين تلاتة يبقى متجيبش عربيه غير فى حدود ال 15 وتخلى معاك الباقى لاى صيانات او مصاريف تحتاجها العربيه لان غالباً مفيش عربيه مستعملة ملهاش مصروف حتى الجديد ليه مصروف والله

انزل شوف الحالات الكويسة بس اهم حاجة وشوف ايه يناسب الميزانية اللى معاك ولو لقيت انك تصبر كام شهر تزود اللى معاك اعمل كدة احسن ما تتسرع فى عربيه حالتها وحشة وتصرف عليها قد تمنها اصلاحات

[tahoo]

المشاركة الأصلية كتبت بواسطة AbOnOrA بص يا باشا اهم حاجة فى المستعمل الحالة ايه فانت مش علشان تجيب 131 اللى هى اوسع واعلى من 128 مفيش كلام تروح تجيب حالة وحشة على قد الفلوس وتفتح بقها وميبقاش معاك تصرف عليها وترهق ميزانيتك اصلاحات وقطع غيار كل شوية كمان لو معاك 15 يزيدو الفين تلاتة يبقى متجيبش عربيه غير فى حدود ال 15 وتخلى معاك الباقى لاى صيانات او مصاريف تحتاجها العربيه لان غالباً مفيش عربيه مستعملة ملهاش مصروف حتى الجديد ليه مصروف والله انزل شوف الحالات الكويسة بس اهم حاجة وشوف ايه يناسب الميزانية اللى معاك ولو لقيت انك تصبر كام شهر تزود اللى معاك اعمل كدة احسن ما تتسرع فى عربيه حالتها وحشة وتصرف عليها قد تمنها اصلاحات

متشكر يا ابو نورا علي الرد و من خلال كلامك الافضل هتكون 128 طبعا هخد معايا ناس ثقة وقت الشراء
ان شاء الله بس كنت محتاج اعرف سعرها للحالة الجيدة يعمل كام و الموديل اللي اشترية بحيث وقت ما احب ابيع و اجدد يمشي علي طول .
منتظر الرد الله يبارك فيك واي حد من اخوانا يحب يشارك براية .