تحذير لأصحاب السيارات الجديدة (حيلة جديدة للنصب)
بسم الله الرحمن الرحيم
الموضوع و ما فيه انك ممكن تكون ماشي في الشارع بعربيتك الجديدة و تفاجأ ان فيه شخص محترم ماشي في الشارع و يقولك خلي بالك من العجلة لأنها مريحة و ما تمشيش بيها كدة و لما تبص للأمام هتلاقي محل كاوتش و تقول الحمد لله ان الموضوع دة حصل في هذا المكان ... و بالفطرة هتدخل في محل الكاوتش و هتنزل و تبص على العجلة و هتلاقيها عادي و هيجيلك الصبي و هيقولك انت ماشي بيها ازاي كدة انزل و مور العربية و هيشتغلوك و هيقولولك العجلة مشيت على زجاج و لازم تاخد بُنط و هيقولك الواحدة بعشرة جنيه و هيعملك كذا واحدة و يقولك الحساب مائة جنيه (نصابين بقى) المهم ان الراجل اللي قالك في الأول خلي بالك العجلة مريحة دة اصلا تبع محل الكاوتش و بكدة بيشتغلوا الزبون (و لا يرقبون في مؤمن إلاً و لا ذمة) صدق الله العظيم و هيبوظولك العجلة السليمة و لا حول و لا قوة الا بالله.. المهم لو تعرضت لهذا الموقف و لقيت انك بجوار محل كاوتش اعلم انها نصباية و لا تهتم بالأمر علشان الناس بقت للأسف ما يهمهمش غير الفلوس و ما يهمهمش هيخسروك قد ايه ... اللهم اني بلغت ...
|
05-05-2013, 10:51 AM
رد: تحذير لأصحاب السيارات الجديدة (حيلة جديدة للنصب)
