بعرف اسوق بس مبعرفش اسوق!

[dr.fashel]

المشاركة الأصلية كتبت بواسطة باسم لانسر بص ياباشا اولاً ربنا يحفظك من كل مكره ويبارك لك فى الفيرنا بتاعك ثانياً فكك من اى *****يشوح ولا يزعق ,, وانت كمان حاول متبقاش **** بص ياباشا الطلعة سنة سنة , شيل من ع الدبرياج واحدة واحدة وفى نفس الوقت بتضغط البنزين واحدة واحدة بردو لحدا ما العربية خلاص مشت معاك ارفع رجلك من ع الدبرياج خالص بقى عشان متكتفش العربية متطولش ع الاول , يادوب كام متر العربية تمشيهم ودبرياج للآخر وتجيب التانى بس متشيلش رجلك مرة واحدة , وفى نفس الاوقت متعمل زى الاول بمعنى ايه , حاول تسرع رجلك شوية , فى الاول كنت بقولك سنة سنة فى التانى خليها سنتين سنتين يعنى شيل رجلك بشكل اسرع شويتين من ماكنت بتشيلها فى الاول وبعدها بردو بترفع رجلك خالص من ع الدبرياج وتدوس عادى بنزين لما بتيجى تدى التالت خلاص العربية بقت واخدة سرعة وبالتالى من التالنى للتالت ومن التالت للرابع ومن الرابع للخامس كمان يادوب تدوس دبرياج وتنقل وتشيل رجلك على طول وبعدها تحط رجلك ع البنزين النظرى ممكن متفهموش اوى بس احب اقولك انها حالة مؤقتة ومع الوقت هتظبط

استاذ باسم الله يبارك فيك و شكرا جدا على كلام حضرتك و بجد استفدت منو جدا.شكرا على الاهتمام يا باشا

[dr.fashel]

المشاركة الأصلية كتبت بواسطة AhMeD_HassaN_2010 مش هقولك كلام بعد استاذ باسم الفكرة كلها خبررررة .. امشي بالعربية كتير بس .. هتوصل لدرجة انك اول ما تدور العربية هتلاقيها بتمشي منغير متفكر انت لا ف بنزين ولا دبرياج هتلاقي نفسك بتسوق منغير تفكير .. وهيبقى همك بقا ف حجات تاني زي المطبات وتاخد بالك م العربيات اللى بتعديك وتعديها والناس والكلام دا نصيحتي ليك مشي بالعربية كتير اوى الفترة دي لغاية ما تاخد سينس العربية وهتلاقيك بتتعلم لوحدك خليك واثق بنفسك وركز اوى ف سواقتك ف الاول .. وربنا يكفيك شر العربية يارب ويحفظهالك

شكرا يا استاذ أحمد على النصايح دي
و ربنا يستر طريقنا كلنا بإذن الله

[dr.fashel]

المشاركة الأصلية كتبت بواسطة jojojojojo حاول بس الاول تمشي كتير في اوقات ميكونش فيها زحمه وتكون مناطق فاضيه انت كده من كلامك لسه جديد فحرام تخبط عربيتك او تخبط عربيه واحد ميكونش ليه ذنب عشان الواحد بيضايق جدا لو عربيته حصلها حاجه او لو ضر عربيه واحد تاني وبلاش موضوع فتح الصدر ونمشي واحنا اصلا لسه مش بنعرف ننقل الغيارات ياريت كلامي ميكونش زعلك بس انا بقول المفروض يحصل ولسلامتك ولسلامه الاخريين

ا ش ا هسمع نصيحة حضرتك و همشي بيها كتير ف مناطق فاضية
انا الحمدلله مخبطش حد ولا حد خبطني بس مش مرتاح ف السواقة خالص بسوق و انا مخنوق من نفسي عشان العربية بتكركب مني و انا بدي الغيار عشان بقعد ألخبط ف دواسة ال بنزين و الدبرياش (بلوش) أحط رجلي و اشيلها و هكذا
ربنا يسترها بس انا ا ش ا مش هسوق الصبح تاني ف الزحمة.همشي بليل لحد متظبط

[driv]

الشاعر لتعلم فن القياده
......................... ....................
**القياده فن ونظام لابد من تعلمه .
** حماية نفسك والأخرين مهاره يمكن أن تكتسب .
** القياده السليمه هى الحفاظ على روحك وأرواح الأخرين .
** أستطيع العمل معك على سيارتك الخاصه .

نظام لراغبى التعلم على سيارتهم الخاصه :

** نظام تعليم بالساعه ( 10 جنيه فى الساعه )
** نظام تعليم بالكورس الكامل 200 جنيه

** الحصه وقتها ساعه . الجزء النظرى مجاناً مهما كان وقته

** مواعيد العمل : من 9 صباحا و حتى 6 المغرب

للإستفسار والإستعلام أكثر

drivingh@yahoo.com
صفحة : Hassan driv @ facebook

01141073803
0105877902

مع تحيات الشاعر

[ميدو عمر ايمن]

مراحل الاتقان
1- وعي بلا مهارة ( مركز ومش عارف تسوق)
2- مهارة بوعي ( مركز في السواقة)
3- مهارة بلا وعي ( زي ما قالوا اساتذتنا في الموقع تسوق عادي من غير ما تفكر في حاجة
حضرتك دلوقتي في المرحلة التانية ومن كتر السواقة هتبقي ان شاء الله في المرحلة التالته اوتوماتك