لو صديقك طلب عربيتك هتعمل ايه؟

[@واحد من الناس@]

المشاركة الأصلية كتبت بواسطة mahmoudelmasry2016 لا صراحة شايف انه عادى ...... لو صاحبى بيسوق كويس وشوفته قبل كدا فا ايه المانع اديهاله يقضى بيها مصلحته لو حاجة مهمة ..... ده الصاحب صاحبه يا جدعان ,,,,,, يعنى لو طلب عين من عينه يديهاله وما دام بيسوق كويس ومعاه رخصته خلاااااااااااااص ما احوشهاش عنه ابدا

المشاركة الأصلية كتبت بواسطة mo7eb elrasol ده هايتوقف على مدى نثقة وامانة صديقى يعنى من يومين واحد زميلى بيكلمنى عادى فقالى انه هايروح يعيد كشف على ابنه بعد الشغل،ف انا قلت ليه خد العربية علشان تحافظ على الولد،هوه نفسه رفض وقالى الموضوع مش مستاهل،ففى ناس الواحد يأمنها على عنيه وناس تانية لا تؤتمن على ربع جنيه،انا فى اتنين من اصحابى لو طلبوا العربية انا ها اكون مبسوط انهم طلبوها لانى عارف كويس اخلاقهم وامانتهم.

ده خلاصة الكلام والله فى ناس لو طلبت إية تدهالهم وفى ناس ما تستهلش على حسب و بعدين الموضوع مش مستاهل وعمر العربية ما تكون زى مراتك أبدا والعربية لو ليها نصيب فى حاجة هتصيبها وهى راكنة بس اللى أنا بديلهم العربية لو فيها خربوش أنا اللى عمله بيصلحوهالى يعنى ناس جدعان وتستاهل كل خير يا جدعان الناس لبعضيها واللى بيعيش لنفسه بيلبس فى الأخر أعذرونى أنا شايف إن صحبى الجدع يستاهل منى إنى أديلوا عنيا لو عاوز

[sakr01]

المشاركة الأصلية كتبت بواسطة memodina1 بصراحة مش هديلة العربية نهائى ولكن هوصلة اى مشوار هو عايزة حتى لو سفر اروح اخلصلة مصلحتة انما اديلة العربية معتقدش ناس هتوافق على الموضوع دا الا ما رحم ربى

ده رد معقول جدا وانا مع الرأى ده

[eng/walaaeldeen]

السلام عليكم
انا عيني لصاحبي لكن العربيه
اروح اوصله اي حته بنفسي
والله المستعان

[احمد سويلم]

أنا بصراحه مكسوف من التعليقات ديه كلها
انا شايف أن الموضوع عادى جدا لو واحد زميلى أو صاحبى أو جارى طلب عربيتى وأنا فعلا مش محتاجها بل لو كنت محتاجها كمان وهو فى ظرف هاسيبهاله ياخدها
وانا اللى عملنى السواقه من 10 سنين تقريبا واحد صاحبى ولما كنت لسه متعلم جديد كنت بستلف دايما عربيات أصحابى
والله عمرى ما أتأخرت عن حد طلبها قبل كده طالما أعرفوا كويس وضامنه
فأنا شايف ان الاعضاء هنا فى المنتدى مكبرين الموضوع

[karim kimo]

بصراحه يوم ما اديت العربيه لصاجبى رجعلى بيها الموتور مفوت