|
كهرباء السيارة ساحة مخصصة للمواضيغ الفنية المتعلقة بجميع اﻷنظمة الكهربية فى السيارة بما فيها أنظمة التسلية |
|
أدوات الموضوع |
#1
|
||||
|
||||
طريقة فحص عطل مؤشر البنزين والعوامة
بسم الله .. الشرح التالى خاص بفيات ريجاتا وبعض الفيات حتى موديل 92 ولا يصلج لكل السيارات خصوصا الحديثة لذا وجب التنبية
كتير بنلاقي عداد البنزين معلق او تعطل فجأة ونكون مش عارفين العطل فى العداد نفسة ولا عوامة البنزين .. هنحدد مكان العطل بأذن الله وهنعرف طريقة اصلاحة وهنتأكد من سلامة العداد " هل بيقرا صح ولا بيقرا بناقص او زيادة .. وهل لمبة عداد البنزين شغالة ولا محروقة من التابلوة ومحتاجة تتغير .. الخ " هنبدء مع بعض بفحص كل جزء على حداة على اساس : وظيفة كل فيشة / فحص كفاءة لمبةالبنزين / فحص مؤشر البنزين / فحص العوامة اولا : معرفة وظيفة كل سلك / فيشة ولونة بالعوامة : ابدء بفك الكنبة الخلفية عن طريق مسمار صليبة فى الجانب الايمن واخر فى الجانب الايسر ثم اجذب قاعدة الكنبة للخارج .. بعدها هتلاقي غطاء رصاصي اللون قم بفتحة بيدك للاعلى لا يحتاج اي ادوات لفكة هيظهر لك الشكل الاتى وهي العوامة : هنبدء نعرف وظيفة كل سلك ..السلك الاسود : ارضي للعداد " راكب ف الصورة وملوش رقم " رقم 1 : فيشة لمبة البنزين " لون رصاصي ف احمر " رقم 2 : فيشة مؤشر العداد " بلون روز " رقم 3 : دخول البنزين الزيادة " فايظ / فائض الكربراتير " رقم 4 : خروج البنزين للموتور طبعا كل الاسلاك دي بتوصل ارضي للعداد .. والجانب الموجب بيكون متصل بفيشة العداد والسبب ان مستحيل يتوصل كهربا او موجب لتنك البنزين لانة سهل الاشتعال لذلك متقلقش من الخطوة الجاية طريقة فحص لمبة البنزين البرتقالية : بتنور اللمبة دي لما بيكون باقي ف التنك من 3 لـ 5 لتر فقط .. وانصح بعدم الاعتماد عليها لان ف الغالب بيكون فية رواسب فى التنك بتعمل حيز من الفراغ واللمبة بتنور بعد تبقى لتر لوجود رواسب لفحص لمبة البنزين بكل سهولة افتح كونتاك وبعدها شيل الغلاف الكاوتش وتوصل الكلبسة فى صاج العربية بالطريقة دى : لو اللمبة مش محروقة وشغالة هتنور بالمنظر دة : كدة اللمبة شغالة زي الفل ومش محروقة . طريقة فحص مـؤشر عداد البنزين : 1 - افتح كونتاك بدون مدور 2 - هناخد الفردة البينك / الروز ونوصلها بنفس الطريقة بالاعلي على اي مسمار او صاج لو العداد شغال والقراية بتاعتة سليمة هتلاقي المؤشر بعد الـ FULL ولو لقيتة على علامة الفول يعنى متفول يبقى المؤشر مرحل ثنة بسيطة .. يعنى لازم العداد ينط لبعد علامة الفل زي الصورة كدة : 3 - نفس الفردة ركبها مكان الفيشة الروز فى الجانب الايسر " رقم اتنين " زي الصورة : هتلاقى العداد نزل لبعد الصفر وليس الصفر .. كما فى الصورة التالية : اذن لو العداد اظهر لك لبعد الفل ولما عكست مكان الفيشة نط لبعد الصفر يبقى كدة العداد شغال زي الفل وبدون اي مشاكل ومفهوش اي ترحيل او لعب من الصنيعية . كدة احنا اطمنا على لمبة البنزين + مؤشر عداد البنزين .. المرة الجاية هنبدء نفك عوامة البنزين ونشرح طريقة عملها واية المشاكل اللى بتحصل منها وازاي نصلحها واية القطع اللى ممكن نغيرها فيها + طريقة ضبط مؤشر البنزين فى حالة ان كان مقدم او مأخر وبدون اي صنيعي . اتمنى الموضوع يعحبكم وفى انتظار اي اسئلة . ملحوظة : الصور والموضوع من مجهودي لذلك يرجي ذكر المصدر والكاتب فى حالة النقل |
#2
|
||||
|
||||
رد: طريقة فحص عطل مؤشر البنزين والعوامة
السلام عليكم
الله يعطيك العافيه : 01F577~130: والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#3
|
||||
|
||||
رد: طريقة فحص عطل مؤشر البنزين والعوامة
: 018A1D~146:
__________________
|
#4
|
|||
|
|||
رد: طريقة فحص عطل مؤشر البنزين والعوامة
تسلم الأيادى ... مجهود رائع و شرح وافى
بس أنا عندى مشكله صغيرة... المؤشر مكانش بيقرأ البنزين أصلاً, دايماً صفر, و أول ما أفول يطلع لحد الفول تانك, و يفضل معلق لمدة ثلاث أربع أيام و بعدين ينزل للصفر فجأة. الكهربائى كشف على العوامة و بعدين قاللى العيب من الأمبير نفسه مش من العوامة, و راح خابطة بأيده من بره لاقيت المؤشر إشتغل, قاللى "العداد ده خفيف, عاوز بتاع عدادات". - يعنى أيه خفيف ؟ (بيلمّس و يفصل يعنى)؟ طيب فى حل ليه؟ و لا لازم أروح لبتاع عدادات فعلاً؟ |
#5
|
||||
|
||||
رد: طريقة فحص عطل مؤشر البنزين والعوامة
موضوع جميل جداااا وربنا يكرمك على مجهودك
ولما الموضوع يكمل بامر الله هايكون مرجع لينا كلنا
__________________
يااااااااااااا رب إرحمنا بقدرتك علينا |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
طرق حساب استهلاك البنزين | AbOnOrA | منتدى السيارات العام | 12 | 23-01-2015 09:25 AM |