تقنية تمنع الرادار من رصد لوحات السيارات

[Mido Madrid]

المشاركة الأصلية كتبت بواسطة mostafa3tef : balloons71: يبقى فى الجون والله

[Mido Madrid]

المشاركة الأصلية كتبت بواسطة mhamdy75 ماينفعش فى مصر لأنهم كده كده هايوقفوك وهاتدفع هاتدفع --------- ياغالى دنا مرة دفعت 150 جنيه رادار وبعد ما مشيت طلع الوصل بدون ختم

مصر دايما مختلفه وحاله خاصه
بتفكرنى بواحد كان نازل بعربيته من السعودية من غير مخالفات ولا حاجه كل ما يعدي على نقطه مرور يقله اركن ويبعتله العسكرى الباشا عايز الحلاوة مش فاهم حلاوة ايه بس اداله عشان يخلص ويلحق يوصل جت تانى نقطة مرور نفس الحكاية التالته بقه قال والله منا دافع وفضل معطله ييجى 4 ساعات بس سابه يمشي فى الاخر لما لقاه مصمم سبحان الله كان بيشتغل عشانه ولا ايه بالظبط

[نبيل عبدالرحمن]

أنا مش موافق على رأى كل الناس اللى فرحانه بالموضوع ده !!!!
ياناس ...هى إدارات المرور أعداءنا عشان نمنعهم يشوفوا شغلهم صح ؟
هى قوانين المرور إتعملت ليه ؟ مش عشان سلامتنا
وهم لما يسيبوا كل عربيه تجرى بالسرعة اللى عايزاها مش ده فيه خطورة كبيرة على السيارة واللى راكبها ؟
قوانين تحديد السرعة اتعملت من أجل سلامتنا ولحمايتنا وحماية أولادنا من مخاطر السرعة

[MmFFoR]

يا دكتور نبيل
السؤال المطروح
في كل دول العالم في نسبة سماحية للتجواز للسرعة - يعني في حالات التخطي او الاوفر تيك لو السرعة 90 ساعات الواحد بيضطر يوصل ل 100 على اقل واجب - دا غير ان ساعات الواحد بيسرح و هو سايق و السرعة بتوصل 95 و دا حصل لاخويا اتمسك رادار على الدائري بسرعة 92!!!!! قعد يصوت و في الاخر اتصل بيا و جيت دفعتلوا ال 150 جنيه و انا مذهول من العقليات المتحجرة!!! وم هو بيحلفلي انه اصلا مش فاكر انه مشي فوق ال 90
المفاجأة ان عدادات السيارات مبتكونش متعايرة صح و خصوصا المستخدمة!!! مفيش اعتبار للفروقات دي يعني لو مشيت بسيارتي جنب سيارة اخويا هو بيكون ماشي على 95 و انا ماشي عدادي قاري 80 او 85!!! لو انا مشيت 90 بيقرا عنده 100!!! يبقى انا كدا واخد كام مخالفة و انا فاكر نفسي ماشي قانوني بس خلل في العداد خلاني اشيل كام مخالفة سرعة؟؟؟ علشان كدا في الامامرات بيدوا سماحية تجاوز سرعة تصل الى 20 كيلو و في اغلب دول الخليج و اوروبا 10 كيلو متعتبرش تجاوز لكن في مصر 2 كيلو يبقى مخالفة
لانهم بيوزنوا دهب

[*mErO*]

المشاركة الأصلية كتبت بواسطة نبيل عبدالرحمن أنا مش موافق على رأى كل الناس اللى فرحانه بالموضوع ده !!!! ياناس ...هى إدارات المرور أعداءنا عشان نمنعهم يشوفوا شغلهم صح ؟ هى قوانين المرور إتعملت ليه ؟ مش عشان سلامتنا وهم لما يسيبوا كل عربيه تجرى بالسرعة اللى عايزاها مش ده فيه خطورة كبيرة على السيارة واللى راكبها ؟ قوانين تحديد السرعة اتعملت من أجل سلامتنا ولحمايتنا وحماية أولادنا من مخاطر السرعة

شكرا MmFFor فعلا المعلومات دي تمام و انا بيتحكيلي عتها من اصحابي من برا
الالتزام بقواعد المرور في بلدنا يا استاذ نبيل فعلا بقى شيء صعب
حاجة كده عاملة زي لما تيجي تخلص ورق كله بيرشي عشان يخلصو وانت مش عايز تمشيها بالطريقة دي لانه حرام بس هانعمل ايه
يعني ليع انا اتمسك رادار و غيري عشان باشا يعدي عادي
يعني ايه ابقى تايه والاقي بوكس فا امشي وراه و بعد كده ندخل في لجنة يقولولي انت ماشي عكس ادفع الف جنيه اقوله طب و بالنسبة للي عدى من قدامي ده يقوللي مالكش دعوة بيه
ازاي يعني
و بجد شيء مستفز جدا لما كل الناس بقى معاها وسايط و بيعدوا في الرادارات عادي عشان ليهم قرايب او معارف جامدين
طب انا مليش و ناس كتير اوي زيي نعمل ايه
النقطة كلها ان فعلا شيء صعب جدا ان الواحد يلتزم بقانون الناس اللي بتطبقه بيبيعوه بالوسايط او الفلوس
و شكرا