رابطة ملاك ومحبى السفينه فيات 132

[rro2aa]

السلام عليكم ورحمه الله وبركاته .. اصدقاء الجروووب معايا عربية 132 2000 موديل 79 مجننانى الديركسيون معايا تقيل شوية فى اللفة بتاعته بالرغم من انه باور وغيرت العفشة بالكامل وظبط زوايا ومش عارف المشكلة معايا ليه افيدوونى افادكم الله

[Hisham.Elgazzar]

المشاركة الأصلية كتبت بواسطة rro2aa السلام عليكم ورحمه الله وبركاته .. اصدقاء الجروووب معايا عربية 132 2000 موديل 79 مجننانى الديركسيون معايا تقيل شوية فى اللفة بتاعته بالرغم من انه باور وغيرت العفشة بالكامل وظبط زوايا ومش عارف المشكلة معايا ليه افيدوونى افادكم الله

إحتمال عيب فى طرمبة الباور أو الخراطيم أو العلبة
ولو كل ده سليم يبقى لازم تراجع على العفشة تانى
وبرضو استنى شوية عليها ممكن يكون العفشجى مقرط بزيادة على المناول
وأهلا بيك فى الرابطة

[rro2aa]

شكرا على الافادة يا استاذ هشام وانا هسمع كلامك وانتظر وان شاء الله خير

[أيمن الروبي]

ازيكم يا جماعه اخباركم ايه واحب ارحب بالاعضاء الجدد في الرابطه وان شاء الله يستفيدوا من الرابطه
وابعت سلام خاص ل اتش القاضي ادمار مصطفي عاطف احمد صادق
واحب اقول ار التطورات في عربيتي قبل السفر غدا ان شاء الله
يوم الخميس 6-9 روحت للميكانيكي وعاد علي تقسيمة الكاتينه وركبت طقم بوجيهات جديد ngk وابلاتين وكوندنسر ووش اسبراتير والحمد لله العربيه فاقت
انهارده بقي روحت غيرت الزيت جبت زيت موبل دلفاك mx3 وعلبة كانز زيت شنبر سيكلو كان شاريهالي حبيبنا اتش الجزار وفلتر زيت كبير وفعلا الزيت ده هيوفر معايا ان شاء الله بس حسيت ان العربيه اتكتفت شويه معلش انا عارف لسه معملتش بالزيت ده 30 كيلو وهبقي اقولوكو اخر الاخبار ايه


انا كنت سامع ان في مقابله النهارده معرفش مصطفي اتاخر ليه علي العموم هنتقابل اكيد ان شاء الله بس الاسبوع اللي جاي

[أيمن الروبي]

علي فكره يا اتش الميكانيكي تنح عليا عشم يعني وركبلي الوجيهات وظبطهملي علي 70 بالفلر ولابلاتين علي 45 يحصل حاجه وهل استهلاك البنزين يزيد ولا ايه واقعد يقنع فيه ان البوجيهات في العربيه بتاعتي تتظبط علي 70 واقعد طبعا يقولي الخواجه قال كده وانا اقوله اتش الجزار بيقول علي 50 او 60 يقولي لا ياعم يرضيك يرضيك ماكانت العربيه حلوه لما اتش ركبهملي يقولي لا شغلي وانا عارفو وهتدعيلي قولتلو شكلي هدعي عليك اعمل اللي عايز تعمله