محتار بين بولونيز ورينو داتشيا 97 وريتمو افيدونى ارجوكم

[tarek elbadry]

السلام عليكم
انا كنت من ملاك الريتمو 11 سنة موديل 82 1500 سى سى وبعتها وجيبت ريجاتا
الريتمو عربية محترمة جدا
واسعة من الداخل وتشيل حمولة وتسافر انا سفرت بيها كتير
لو قارنها بى 128
معقولة عربية موتورها 1100 سى سى 50 حصان اقوى من عربية 1500 سى سى تقريبا 75 حصان
صالون الريتمو هو هو صالون الريجاتا انا كنت مركب بيبان ريجاتا فى عربيتى وفى موديل اسمو ريتمو ريجاتا
نيجى للعيوب الاتنين بيفتحو شاسية مش بيقطمو
والموضوع دة اتحل فى الريتمو وركيبلو شداد فى الموديلات الحديثة زى الريجاتا وفى ال128 ركيب فى موديلات التسعينات
الريتمو ممكن تنى الكنة وتاخد وسع جامد عكس ال128 شنطتها صغيرة
العفشة الامامية واحد فى الاتنين
الخلفية الريتمو اقوى بكتير
بس اهم حاجة الحالة فى الاتنين
واحسن موديلات الريتمو الريتمو ريجات موديل 85
العربية دى فى منها فول ابشن
تكيف اتومتيك زجاج كهرباء كمبيوتر اعطال كانت سابقة عصرها

دة شكل الطبلوم بتعها شيك جدا وبيركب فى الريجاتا

الشكل الخلفى بس دى باب واحد


ربنا يكرمك وتلاقى حاجة نضيفة ومتستعجلش ودور برحتك

[Vanditta]

المشاركة الأصلية كتبت بواسطة mido star يعنى انت من رايك استنى ولا اجيب ال 128 بتاعة عضو معانا هنا

يا استاذ ميدو
حدد انت معاك كام بالظبط + الف او الف ونص زيادة عشان الترخيص والتسجيل وشوية مصاريف على العربية (كاوتش -بطارية-شغل عفشة اوموتور ....الخ)
وحدد انت ناوى تقعد العربية معاك فترة كبيرة ولا شوية وهاتقلبها
وحدد انت عايز عربية عائلية واسعة ولا مش فارقة معاك وممكن تجيب هاتشباك او سيدان صغيرة
ومشاويرك اليومية اد اية وهتسافر بيها كتير ولا مرة مرتين فى الشهر مثلا

لو حددت الكلام دة

ساعتها هتلاقى حضرتك بتقارن بين 3-4 عربيات مثلا وفى اللحظة دى مش هينفع تقول مين احسن من مين عشان حضرتك ماينفعش تنقى عشان مش بتشترى زيرو

لا دة مستعمل واللى هايحكمك ساعتها حاجة واحدة (الحالة)
وربنا يوفقك يارب

[mido star]

المشاركة الأصلية كتبت بواسطة Vanditta يا استاذ ميدو حدد انت معاك كام بالظبط + الف او الف ونص زيادة عشان الترخيص والتسجيل وشوية مصاريف على العربية (كاوتش -بطارية-شغل عفشة اوموتور ....الخ) وحدد انت ناوى تقعد العربية معاك فترة كبيرة ولا شوية وهاتقلبها وحدد انت عايز عربية عائلية واسعة ولا مش فارقة معاك وممكن تجيب هاتشباك او سيدان صغيرة ومشاويرك اليومية اد اية وهتسافر بيها كتير ولا مرة مرتين فى الشهر مثلا لو حددت الكلام دة ساعتها هتلاقى حضرتك بتقارن بين 3-4 عربيات مثلا وفى اللحظة دى مش هينفع تقول مين احسن من مين عشان حضرتك ماينفعش تنقى عشان مش بتشترى زيرو لا دة مستعمل واللى هايحكمك ساعتها حاجة واحدة (الحالة) وربنا يوفقك يارب

شكرا لاهتمامك جدا ثانيا انا عاوز عربية عائلية بس هسافر اسكندرية بيها 3 او 4 مرات فى الشهر
وانا عاوز عربية مش عشان تقعد فترة وخلاص عاوز عربية تقعد فترة كبيرة ومشاويرى اليومية صغيرة ايه انسب حاجة ممكن اعرف

[mido star]

محدش بيرد عليا ليه