ما هي الاضرار التي لحقت بك جراء هذه الثورة ..؟؟

[ahmedali]

الثورة اضرارها الوحيدة اننا لسا بنتحكم بايد النظام القديم وبفكره ودى طبعا مش اضرار الثورة دى اضرار اللى وثقنا فيهم واديناهم الامان وعاوز اقول حاجه مهمة مافيش بلد فيها جيش وشرطة ومخابرات وامن وطني وما تعرفش تسيطر على بلطجية دى حاجه ما تدخلش دماغ طفل احنا هنحس بثورتنا يوم ما يمسكنا راجل مننا منتخب وبرلمان ليه صلاحيات بجد

[memo1100]

يعنى شغل البلطجة والمليتوف - والرصاص الحى زى الى مات بية الشيخ عماد رفعت من واحد جنبة او وراة- يعنى البنات الى بتنزل مخصوص علشان تتعرى - هى دى الثورة الى هتعدل البلد هما دول ثوار بلدنا
الاضرار بالنسبة انا هتمكلم عن نفسى
بعشق تراب مصر -وكنت عامل حسباتى انى نازل نهائى وابدا ششغل خاص فى مصر يعنى شوف كام واحد بيتشغل معاك يعنى فاتح كام بيت
اغلب الناس الى برة مصر كانت بتفكر فى كدة
لاكن الثوار او البلطجية او الجواسيس الى بيبعوا البلد خربو كل حاجة وبيخربو كل حاجة وهما بردة في منهم برة مصر لما يكون قاعد من جنسيات تانية الوحيد الى بيشتم على بلدة هو المصرى علشان يضحك التانين - - ومحدش يقول اصل مصر فيها فساد مصر فيها فساد كبير وبقاى الدول فيها فساد اكبر
مصرى مغترب وافتخر ببلدى لاكن لا افتخر بولاد بلدى الى بيخربوها

[Ahmed Salah ahmed]

يكفي اننا كسبنا حريتنا وكرامتنا

اي خساره تهون بعد ذلك

[nktis]

فعلا يكفي اننا نتحدث وندلي بارانا السياسيه بكل حريه ...............
في الايام الغابره بعضنا وانا منهم كنت اخاف............:fun_36_3 _13[1]:

[sharooo]

السلام عليكم
انا ساكن في اول الهرم من تاحيه الجيزه كده..صليت الجمعه يوم 28 واتوكلت على الله مشي على الجيزه وبعديها على التحرير وكلنا طبعا عارفين تفاصيل 28 يناير 2011...
المهم رجعت لقيت عربيتي الزجاج الامامي والخلفي مكسورين.والكبوت تالف من الدبش الي اترمى عليه لان عرفت ان المتظاهرين كسروا البلوك الي كان عامله الامن المركزي على نفق الهرم وجريو وراه وحدفوهم بالدبش .وللاسف كان عندي سماعتين JBL اصلي بازو لما الزجاج الخلفي اتكسر ودخل منه اجزاء صغيره فيهم
انا بصراحه مزعلتش قوي وخاصه اني شوفت عربيات كانت قنبله الغاز بتنزل عليها تكسر الزجاج بتاعها وتدخل فيها والعربيه كولها تولع من الحراره


طبعا انا عارف اني بذكر خساير لا تذكر مقارنه بخساير الي فقدو عنيهم او حتى فقدو وظائفهم..بس حبيت اشارك في الموضوع