بنزين 92 والسيارات القديمه

[m.dardir]

أنا عندى كتالوج لادا موديل 1981 الأصلى اللى جاى معاها من روسيا والشركة المصنعة فى أول صفحاته توصى ألا يتم إستخدام بنزين رقمه الأوكتينى أقل من 93 ومستعد أسحبه اسكانر لمن يريد التأكد بنفسه
: 12B1B3~136:

[NicEgypt]

بنزين 80 ما هو الا اختراع مصري
وغير موجود ف اي دولة من الدول المصنعة للسيارات
بشهادة وزير البترول السابق نفسة انة مش موجود غير ف مصر واحنا اللى بنعملة
وعبارة عن خلط مجموعة من المواد واحدة

تخيل حضرتك الاتى :
صناعة مصرية + الدول المصنعة للسيارات متعرفوش اصلا + انة حديث العهد

افضل نوع بنزين مجرب ف السيارات القديمة 90 لا اعلى ولا اقل

[HaMaDa-ToUBaR]

حضرتك لو المكنة بتاعتك حالتها حلوة شغلها 92 عادى

انا عربيتى بيجو 505 بعد ما عملت عمرة للمكنة وضبطها مكنتش بحط الا 92 لمدة 6 سنين لحد ما اتباعت وكانت كفأتها عالية جدا ونضافة فوق ما تتخيل وطول فترة 6 السنين دى ولا معملتش اى حاجة فى المكنة الا تغير الزيت والفتر والبوجيهات 3 مرات بس 3 شمعة فرنساوى

واخيرا اتمنى لحضرتك كل الخير والتوفيق

[محمد فيصل]

السلام عليكم الى كل الاعضاء الكرام
اعتقد ان بعد كل المشاركات السابقة
يتضح حجم الكارثة المسماة بالبنزين 80
فعلى كل من يرغب فى المحافظة على سيارتة وحسن استثمارها ان يستخدم بنزين 92
وبالنسبة للسيارات من بعد 2008 يفضل استخدام 95...مثل الباسات والجولف 6وجيتا وbmw&mercedesبكل فئاتهما
وعلى من يريد التوفير الان ان يصبر نفسة بأن بنزين 80 هو وقود القرن ال22