بالنسبة للفيرنا الهاف اوبشنز و تركيب زجاج كهرباء

[mesho70]

- الضفيرة بتبقى كاملة
- يفضل يكون ماكينات الرفع ومستلزماتها كاملة استيراد وشغالة
- لان البدائل مش كويسة
- لان لى تجربة معه الاكسنت الشكل القديم وتعبتنى خصوصا ً وايرات الرفع كانت تحتاج تغيير بإستمرار

[fineart607]

نصيحة بلاش تلعب فى العربيه انا كان نفسى اركبها فى الفيرنا ومش عايز مش بحب افك مسمار وفى مصر بالأخص المسمارالى يتفك عمره ما يرجع زى الأول

[سيداحمد]

[SIZE="5"]بص معايا وطرطق ودانك لما تيجى تشترى مكن الرفع هات مكن الاكسنت واوعى تجيب اللى لها وش بلاستيك لان دى سرعتها فى الرفع بطيئه وبتسخن هات اللى ليها وش صاج دى سريعه وحلوة المكنه انا جايبها من بور سعيد ب55 جنيه بس الصنايعى بينقلهالك على شاسيه مكنتك العاده علشان المسامير تركب واربع زراير يتحطوا فى القنصله بس خليه يوصلك سلك النور اللى فى الزراير مع النور الصغير علشان لو وصله مع كهربة الزجاج هايفضل منور على طول اما لو هاتجيب ابواب جاهزه باالمكن هاتكون غاليه وربنا يوفقك

[SuccessCre8or]

بصراحة موضوع ان المسمار اللي بيتفك مش بيرجع زي الأول دا مقلقني جداً خصوصاً اني لما فكيت الأبواب عشان اركب سنتر صوت الهوا زاد
انا متردد اصلاً لأن الموضوع عايز فلوس و وقت و في نفس الوقت ممكن العربية متبقاش حلوة زي الأول وعلى فكرة انا سألت في التوكيل قبل كدا مبيركبوش كماليات الGLS