دعوة لأعضاء المنتدى لعمل حملة خير فى رمضان

[koashraf]

فكره جميله ممكن كل واحد ينفذها فى منطقته......

أوالاعضاء اللى فى مكان قريب من بعض يتفقوا وينفذوها.......

[د.كمال]

عمل الخير مطلوب فى كل مكان
المطلوب إن كل واحد يعمل الخير فى منطقته ومع الناس إللى حوليه ويعرفهم محتاجين خدمته ليهم ........والاقربون أولى بالمعروف
وربنا يقدرنا على عمل الخير فى هذه الايام المفترجه

[aymangalal]

فكرة ممتازة جدا وافضل ما فيها التشجيع على الموضوع ده
انا عن نفسى ماعرفش حد ممكن اتعاون معاه غير الناس الطيبة اللى هنا فى المنتدى وحلوه قوى فكرة المواقف دى لان فى ناس كتير بتبقى على سفر او لسه راجعين حتى ومش هايلحقوا يفطروا فى بيوتهم
ان مستعد للمشاركة تمويلا ومجهودا بس عايزين نحلحق قبل ما رمضان يسيبنا

[mahmoudey]

أسف جداً على عدم تواجدى أيام الجمعة والسبت (لأنى بكون أجازة من شغلى ومعنديش إنترنت فى البيت)

ربنا يكرمكم على نشاطكم وسعيكم لعمل الخير

من كلام حضراتكم كده نقدر نوصل لفكرتين:

1- كل واحد ممكن يعمل الموضوع ده مع نفسه (أو مع أصدقاء المنطقة) فى المنطقة اللى عايش فيها أو أقرب موقف أو شارع ليه.

2- ممكن كل مجموعة تشجع بعضها وتتفق على مكان تتقابل فيه (موقف مواصلات) وكل واحد يكون جايب معاه اللى ربنا يقدره عليه (سواء مياه، بلح، عصائر، باتيه، إلخ)
------
وعن نفسى لو فى مجموعة تناسبها (موقف العاشر / أو أى محطة فى شارع جسر السويس) أنا يشرفنى أكون معاهم لأنه قريب من سكنى.

وربنا يوفقكم دايماً فى الخير

--