ارشيف الاستراحة 2011

[حازم شاهين]

http://www.youtube.com/watch?v=tX72i0B9Lng

الله ينور عليك يا استاذ حازم فعلا المفروض مفيش رحمة ولا شفقة مع امثاله

[د.هبه77]

تسلمو يا جماعة نورتو الموضوع بمروركم
رمضان كريم

- اختر الممحر جيدا فالمحارة تعتبر هي الاساس الواقعي للشقه حيث انها تخفي 3/4 من عيوب الشقه فلا تبخل عليها.
2- لا تنخدع فليس كل الممحرتيه الفاليين أفضل بالفعل.
3- عندما يقول لك شقتك هتاخد 2 طن اسمنت هات 3 اسمع الكلام علشان تطليعهم موال خصوصا لو أدوار عليا
4- ودي نصيحه مهمه جدا وصدقني متدخلش شعرة جبس في محارة شقتك اللهم الا في الطي ودي نقطه تانيه لأن بعد فتره الجبس بيطرقع او بيبوش ولو الممحر قعد يتنططلك قوله اعمل الاميه باسمنت صافي في ستين الف داهيه 3 او اربع شكاير اسمنت زياده مش هيكلفوك 100 جنيه على بعض بس الشغل هيفرق كتير وخد بالك ممكن الصنايعي يجييب معاه جبس
متضحكش اه هيجيبه على حسابه لانه بيوفر معاه وقت وجهد يعني الاميه اللي ياخدها في دقيقه بالجبس ممكن تاخد 3 ساعات بالاسمنت
5- خد بالك من توزيع الاسمنت على الحيطان متفرحش بان الحيطه خددت اسمنت كتير كتر الحمل عليها يخليها تريح وممكن تقع كمان كل غرفه 4*4 بتاخد حوالي 7 الى 10 شكاير بالسقف.
6- متخليهوش يستعجل علشان متبقاش نعكشه وخليه يشتغل مظبوط والاوضه اللي يخلصها لف فيها بايدك وشوف الحتت اللي تلاقيها عامله زي الفقاقع الهوا لأن دي خطيره جدا جدا
وطبعا لو الممحر كويس مش هتحتاج لكده من الاساس
7- السقف طهره ب كزيت واشتري انضف نوع هيريحك وخلي الممحر يعملهولك كويس ونصيح اشتري سكنتين معجون على حسابك واديهمله يشتغل بيهم لأنهم هيبقو جداد وكويسين.
8- الطي اشتريه انت ولف على المحلات وفااااااااااااصل لأن الفرق بين محل والتاني ممكن يوصل ل 50 في الصره و 100 جنيه توفير في الاوضه متر الطي انضف نوع مبيعديش 5 جنيه والصره بالحجم لو صغيره خالص بتبقى 5 جنيه اكبر شويه 12 و 15 و 20 جنيه معلقه بتبدأ من 40 ولحد 150 او 170 جنيه بس مش أغلى من كده متخليش حد يضحك عليك بس في حاجات احجام اكبر دي للقصور والفلل احنا غلابا ياعم.
9- خلي الممحر يركبلك الطي اول لأنه هيعمل حساب في المنطقه دي هيخليها خشنه شويه او يخرطها وهتعرف تفاصل كتييييييييييييييييييير وطبعا متجبلوش جبس الطي الا قبل التركيب بيوم طبعا معروف ليه .
10 لما تقيس شقتك قيص الطول والارتفاع واضربهم وهكذا في كل حيطه وطبعا السقف وخد بالك لان دي الخدعه اللي بيقع فيها كتييييييييييير شيل منهم المفارغ يعني الباب والشباك وهكذا في النهايه تجمعهم وتعرف انت عليك كام متر ويستحسن تعمل كده الاول قبل المحاره ولو انها مش هتفرق كتير قوي غير في انك ممكن تتعقد ومتمحرش من الاساس وفاص المعلم في السعر النهائي وسعر تركيب الطي انا مركب متر الطي والله ب 4 جنيه في وسط المحاره كده مع ان تركيبه مش أقل من 6 او 7 جنيه كمان متقولش يعني ايه جنيه الجنيه ده هيفرق معاك مبلغ محترم لو هتركب طي كتيييييير
وخد بالك في هالك في الطي كتيير ولو انت اللي هتوصله البيت وده احسن تاخد عربيه نقل وتفرشها كرتون قبل متروح وتقعد وتخلي صاحب المحل يرصلك العربيه وخد بالك من طريقة شيل الصبيان للطي لو لقيته شايلها بطريقه غريبه مش زي كل مره اعرف انها مكسوره او على وشك
ومتخدش الطي الا لما يكون ناشف تمام
علشان ما ينكسرش منك وتقول ضاعت فلوسك يا صابر
هو مين صابر ده
المهم عارف اني طولت لكن استحملني حبه صغيرين كمان
الحيطان كل ليله بعد مالصنايعيه يمشو لما تشد حبه
رشها بجردل وكبايه بلاش الخرطوم علشان متقعش
ده علشان تمسك اكتر

[محمد عبد النور]

سبحان الله


مشكور موضوع متميز جدا اعاننا الله واياك عل الصيام والقيام وصالح الاعمال