مشكلة في نظام التوجية

[cyberoam]

السلام عليكم جميعا

عربيتي فيرنا....

اعتقد ان بعد الكشف العادي للزوايا ان فية شيء في نظام التوجية للعربية وبالتحديد ( البارات الداخلية في الاسكاترا او بارات الطرف اللي رايحة للشمعدانات)

المشكلة بالتحديد هي سهولة لف الدركسيون للمين عن الشمال وبالتالي عند السرعة البطيئة جدا وطلوع مطب مثلا الدركسيون دائما يروح للمين" الناحية السهلة " )- ارجوا استبعاد اجزاء الرفع مثل المساعدين والمقصات والجلب وخلافة لان تم الكشف عليهم وتغيرهم تماما.

سؤال لاهل الخبرة .. ياترا مين ممكن يكشف علي العربية وخصوصا انة لازم يكون فاهم ويحدد العيب فين ولاني عارف ان الموضوع ها يكون "" دبكة كبيرة ""

هل عفشجي محترم والة ميكانيكي عندة ضمير واله مركز صيانة جامد واله التوكيل الحرامي !!
وشكرا

[memodina1]

التوكيل الحرامى انا كان عندى زنة فى الفتيس رحت مليون مرة لناس برة وفى الاخر قلت اروح التوكيل لانى مبحبوش وساعة وطلعت العربية والصوت راح الحمد لله وويارب ميرجعش تانى امييين

[cyberoam]

المشاركة الأصلية كتبت بواسطة memodina1 التوكيل الحرامى انا كان عندى زنة فى الفتيس رحت مليون مرة لناس برة وفى الاخر قلت اروح التوكيل لانى مبحبوش وساعة وطلعت العربية والصوت راح الحمد لله وويارب ميرجعش تانى امييين

التوكيل للاسف انا بخاف عربيتي يتسرق منها حاجة .. يعني انا داخل بعيب انا عارفة ممكن هناك يتم تبديل حجات سليمة فعربيتي بحاجات تانية مضروبة في التوكيل ويصلحوا العيب عادي مافيش مشاكل (( وها يدفعوني مرتين سعر السوق ))ويظهرلي عيب تاني انا مش عارفة !!!
ده لاني مش بشوف عربيتي وبسيبهالهم طووووول النهار ومش عارف اية اللي بيحصل فيها هناك ... انا للاسف مش ضامنهم او بالتحديد (( الصنايعي البلية )) اللي ها يشتغل في عربيتي ....

[طارق ابوذيد]

الموضوع بسيط جدا وليست فيه اى دبكه عندك الباره الشمال خفيفه جدا ولذلك يلف الدركسيون سريعا اتجاه اليمين فك بارتين الطرف من الشمعدان واكشف عليهم وستجد ان هناك باره اخف بكثير من الاخرى وذلك راجع الى استهلاك الجنب الشمال اكثر من الجنب اليمين لان ملفات مصر كلها شمال ودائما تلاحظ تلف البليه الشمال اكثر من اليمين والله يوفقك