المشاركة الأصلية كتبت بواسطة waelsalah
ما هو الاستابليزر ؟
وهل لو ركبت مساعدين ناشفين زى المونرو هيكون على حساب الراحه وان العربيه هتكون ع المطبات بتدايق ولا ايه ؟
وشكرا جزيلا
|
الاستابليزر هو عمود ثابت على شكل حرف U بيربط بين جسم السيارة والعجلات الأمامية على اليمين واليسار، وممكن يكون موجود في الخلف أيضا في بعض السيارات، ومهمته أنه يقلل من انحراف جسم السيارة في المنعطفات عشان ما تقلبش، ولو عايز معلومات أكتر ممكن ترجع لموضوعي في اللينك ده
http://www.masrmotors.com/vb/showthr...t=55877&page=2
بالنسبة للمساعدين، فالمساعدين المونرو مش كلهم ناشفين، بس ممكن تختار المساعد على حسب نوعه من ناحية إذا كان بيشتغل بالزيت أو بالهواء أو بالاتنين مع بعض
أعتقد إن مساعد الهواء أريح في الركوب من مساعد الزيت
برضو ممكن تختار مساعد مخصص لسيارة أتقل شوية (على شرط إن يكون له نفس طريقة التثبيت اللي في المساعد الأصلي وكمان مقاس مشوار الحركة فيه تناسب السيارة عندك)، بس أنا ما انصحكش بالاختيار ده لإنه ممكن يعمل مشاكل في جسم السيارة مع طول الاستخدام، على سبيل المثال أنا كان عندي في عربيتي مساعدين ناشفين جدا (غالبا كانوا أصلا بتوع عربية نص نقل) واضطرينا نركبهم لإن المساعدين الأصليين ما كانوش متوفرين... بصراحة العربية كانت ثابتة جدا في الملفات، بس ما كانتش بتبقى مريحة نسبيا إلا لما تبقى كاملة العدد، وفضلوا راكبين في العربية أزيد من 5 سنين من غير ما يلينوا شوية... لحد ما واحد منهم اتكسر في مطب قوي شوية، وساعتها حمدت ربنا إني أخيرا خلصت منهم
على فكرة ممكن تركب مساعدين ماركة KYB ودي من أحسن المساعدين اللي ممكن تركبها لإنها مورد قطع أصلية لمصانع السيارات في اليابان، وكمان أسعارها معقولة.
....