#1
|
|||
|
|||
واخيرا ً اشتريت نيسان صني
بسم الله الرحمن الرحيم الحمد لله اشتريت نبسان صني 2011 مانيوال abs ب 87000 وعليها هدايا بـ 500 جنيه عبارة عن : باركينج سينسور وشماسة ودواسات نيسان وغطاء للزجاج الأمامي وميدالية قيمة وشيك كل ده من معرض اوتو ايجيبت في مدينة نصر.السلام عليكم ورحمة الله وبركاته احلي واجمل واعز اعضاء لأغلي منتدي علي قلبي. الحقيقة الناس هناك غاية في الاحترام والصدق . والحمد لله العربية جميلة جدا ومريحاني جدا جدا ولأني من الفيوم ف الطرق عندنا رهييييييييييييبة في المطبات ووالله ما شاء الله العربية لا تأن ولا ننضجروباطحن فيها من يوم ما جيبتها وكل يوم ع العكس العربية " تزداد حسنا " من حيث النعومة ف العفشة والآداء. انا استلمت العربية يوم 13/3/2011 وطبعا هتسألوني كلكم ابه أخرت ف كتابة التقرير ده هاقولكم لأني ببساطة ماعمديش نت . العربية لونها ازرق سماوي فرش بيج. روحت عملت صيانة الألف في مودرن موتورز بتاع ابو رواش والله الناس ما تخيلت اني جوه مصر من كتر الرقي ف التعامل. ركبت مكنة رفع الاربع ابواب وسالت المهندس عليها قالي ما بتحملش ع الضفيرة ولا حاجة هي ب 250 جنيه وعليها ضمان سنه ومليت الخمس فرد كاوتش نيتروجين لأن المهندس برضو عامل كده ف عربيتو بـ 50 جنيه ومن يوميها ما وقفتش قدام حد بتاع كاوتش. بس المشكلة عندي ف العوامة مش مظلوطة خالص يبقي التنك لسة فيه اكتر من الاحتياطي واللمبة الصفراء تنور لما انا ماشي دلوقتي بحساب تقديري لعدد الكيلوات وقولتلهم عليها وعملولها صيانة وبرضو زي ما هي. ان شاء الله هاكتب تقرير كامل عنها في وقت لاحق لأني مشغول شوية دلوقتي . وانا تحت امر اي حد عاوز يستفسر علي اي حاجة . ورقم تليفوني هو 0100733137 د. جودة |
#2
|
||||
|
||||
رد: واخيرا ً اشتريت نيسان صني
الف مبروك و ربنا يديك خيرها و يكفيك شرها .......
تحياتى .:::::::::::::::::::::::: ::::::::::::
__________________
That is My Renault |
#3
|
|||
|
|||
رد: واخيرا ً اشتريت نيسان صني
الف مبروك و عاوزين نشوفك في مقابله الفيوم يوم 20-5
__________________
اخوكم سعيد عطيه |
#4
|
|||
|
|||
رد: واخيرا ً اشتريت نيسان صني
1000 مبروك يا فندم
|
#5
|
||||
|
||||
رد: واخيرا ً اشتريت نيسان صني
الف الف الف مبروك دكتور
ربنا يكفيك شر الطريق ياريت نتقابل فى مقابلة الفيوم للاعضاء يوم 20/5 ولو فى اى اقتراح لبرنامج الرحله ياريت حضرتك تخش موضوع المقابله وتقول رائيك ولك جزيل الشكر
__________________
حبيبت قلبى سبيدر |
|
|