رد: Chevrolet Lanos or Speranza A516
ياجماعة انا عندي الثلاث عربيات هاقول لكم الفرق ما بينهم اولا الفيرنا متور عفي سحب جبار بس علي حساب البنزين و العربية مش ثابتة اوي بس بعد التجنيط بجنط محترم باقيت اثبت بعد 140 الصالون ضيق الرافهيات قليلة العفشة بتاعتها ناعمة علي فكرة انا معايا فيرنا 2007 اوتوماتيك فول عشان محديش يجي يقول دي 1400 سي سي التكيف جيد فرامل ضعيفة العربية فيها لمة كشف بتنور لو العربية فيها مشكلة
2-اللانوس متور في اللذيذ يعني يقضي الغرض انسي انك تشد مع فيرنا ومتحلمش اصلا بكده العافشة ناعمة بس ضعيفة العربية مش ثابتة خالص و الشاسية بتاعها ضعيف موت بس العربية موفرة في البنزين وقطع الغيار الرافهيات قليلة مرايا واحدة كهرباء حاجة تشل الكاسيت تعبان برده معايا العربية الفل اوبشنز التكيف ضعيف مفيش فرامل خالص الاعطال انس انك تعرف ان العربية فيها مشكلة الا لو انت عندك خبرة غير كده مفيس اي حساسات
3-ِ516 العافشة خشنة شوية المتور كويس جدا بس برده متحلمش تشد مع الفيرنا الا علي السرعات بعد 140 عشان العربية دي ماشاء الله ثابتة التنين اقصي سرعة جابيتها معايا 198 كيلو بس اتقفشت رادار فهديت الرافهيات جامدة واسعة من جوة الكاسيت حكاية التكيف جيد العربية ايه بي اس ممتازة بس علي السرعات اقل من 40 بتكون مش حلوة قوي يعني مدوش فجاة علي الفرامل الانذار صوته واطي العربية كلها تكنولوجيا بتعرفك مواعيد الصيانة و الاعطال و فين العطل تقريبا
وده ياجماعة التقيم بتعهم انا عندي الثلاث عربيات فيرنا 2007 لانوس 2010 و 516 2010 فمحدش يفتي لان كل الي اشتكي من 516 طلع اصلا مشفهاش و كل الي شكر في اللانوس بيشكرفي موديل98 الشيفروليه تعبانة و الهيونداي عربية محترمة جدا
|