محتاج نصيحه فى الاكسيل

[ahmedmok]

محتاج رايكم جدا فى ا لهيونداى اكسيل انا شايف ناس كتير بتشكر فيها انا كان معايا دايو لانوس و بعتها لظروف و دلوقتى بدور على عربيه فى حدود 35000 و شايف ان المبلغ ده ممكن يجيب هيونداى اكسيل سليمه و حالتها ممتازه. بس انا مش عارف ايه نظام العربيه دى . محتاج رايكم جدا و عندى كام سؤال

1/ هل كل الاكسيل انجيكشن ؟؟ و لا فيه كاربيراتير ؟؟ و هل 1500 cc كله انجيكشن؟؟ و 1300cc كاربيراتير؟؟

2/ هل قطع الغيار متوفره ؟؟؟ و اسعارها ايه؟؟؟

3/ اخبار نعومه و سحب العربيه ايه ؟؟؟ هل هناك فرق كبير بينها و بين الانوس؟؟

4/ اخبار الصيانه و التصليح ايه ؟؟؟

5/ مطلوبه فى السوق ولا حدوخ لو قررت ابيعها ؟؟

انا اسف على الاطاله يا جماعه و ياريت اللى عنده خبره او اى معلومه ميبخلش عليا بيها ... و شكرا مقدما.

[hazem_khidr]

الاكسيل عربيه كويسه و ناعمه و مافيش فيها مشاكل
و انعم و اثبت من اللانوس كمان
اهم حاجه تلاقي عربيه نضيفه منها
و كل الموجود منها كابيراتير مافيش منها انجكشن نزل مصر علي فكره
و قطع غيارها كلها اوريجنال و رخيصه و متوافره

[semo99]

الاكسيل في منها 1300/1500
في منها انجيكشن وفي منها كاربيراتير
قطع غيارها موجوده في اي حته متوفره جدا ورخيصه نسبيا وطبعا في حاجات منها جديد بس شغل الماتور بيبقي كله استعمال بس اوعي تعمل زيي جيت في مره ادور علي ماتور جديد لدرجه اني اتصلت بغبور قالي الموظف هيرد بعد 24 ساعه قالي بييجي استيراد بسرع رخيص جدا (16000)
طبعا تقريبا نص ثمن العربيه فقلت قطيعه بس بخلاف دا قطع الغيار رخيصه الماتور استعمال من 1200 الي 1500 بدور المقومات والفيتيس بنفس السعر تقريبا



العربيه ناعمه وهي شبيها بالاكسنت واكيد افضل من الانوس
ماتورها سحبه متوسط انا من هواه الجري بس بالعربيه دي بالزات مجربتش اجيب اكتر من 140 وللعلم عربيتي 1300

مطلوبه لرخص سعرها النسبي
بس في نظري الجولف افضل كتير او فورد اسكورت

من حيث الاتزان بعد 120 العربيه مش بتاعتك بتاعت الجيران
من حيث الطلب في السوق مطلوبه ولما تحب تبيع ابقي كلمني وانا ابيعهالك