برجاء الافادة كل المتخصصين

[samirayad]

وليا حوالي يومين بس العربيه كويسه في الدوارة و في السحب

الحمد لله

لكن موضوع رعش لمبه البطاريه في الطابلوه لسه موجودة مع السرعات الخفيفه جدا ( في بعض الاحيان ), يمكن موضوع لمبه البطاريه مش بياثر باي سلب علي العربيه اكتر من حيرتي بس ايه سببه

ده سهل وأمره بسيط

وكده المكنه فى السليم

عموما جرب تشد سير الدينامو حاجه بسيطه وياريت تغير سير الدينامو كمان

جايز يكون السير وحش وبيتظفلت على الطنبوره مع السرعه البطيئه

ومع تغييره وشده

حتنتهى هذه الملحوظه بإذن الله

وبرضه ( علشان نحاصر المنطقه )

عاوزك تشوف كهربائى كويس

يطمن على شحن الدينامو

ممكن يكون شحنه ضعيف ومحتاج كتاوت

وضعف الدينامو بيعنى شحن ضعيف وغلب فى الدواره والسحب

حتى لو حكمت نغيره ............نغيره

لو معرفتش تصرف فى كتاوت له ( بعد تحديد حالته )

يمكن موضوع لمبه البطاريه مش بياثر باي سلب علي العربيه اكتر من حيرتي بس ايه سببه

عرفت ولا لسه أن ممكن يكون فيه علاقه

ممكن فعلا

لأن الدينامو هو روح كهربة العربيه والموبينا وكل الدنيا الكهربيه بالعربيه

واخيرا اكتشفت حسب كلام الميكانيكي اني محتاج طقم شمبر ضروري الايام الجايه علشان الدخنه بتاعه الموتور

أجل هذه الفكره حاليا

على مانشوف الأيام مخبيه لنا أيه

جايز تلاقيها فرجت بعد مانشوف قصة لمبة البطاريه

اللى مشككانى برضه فى موضوع الدخنه

_________________________

وفيه سؤال ليك

هل المكنه بتاكل زيت كتير معاك ولا لا

هل بتلاقى نفخ كبس من مقاس الزيت ولا لا

لو كله لا

يبقى الميكانيكى ده مش مظبوط

وواد لعيب وبيرسم على القرشينات

[remongamil]

باشمهندس سمير .....
شكرا جزيلا لاهتمامك الدائم باي استفسار وشرحك الوافي ونصائحك القيمه , انا هعمل بنصيحتك وهغير سير الدينامو , وكمان هشوف كهربائي للاطمئنان علي شحن الدينامو.
ومن ناحيه طقم الشنمبر ... انا ملاحظ ان العربيه بتاكل زيت احيانا , لكن موضوع اني الاقي نفخ كبس في مقياس الزيت في الواقع انا مش فاهمه اساسا
وعلي العموم هاوافيك بالجديد ان شاء الله