مية الردياتير بتقل....استر يارب !

[mr_astra]

لو عاوز تعرف الزيت عمل طحينة ولا لا من مقاس الزيت وليس من غطاء الزيت
زى ما تفضلوا الاخوة الكرام شوف اى مكان للتسريب ابتداء من غطاء الردياتير ولو ما قدرتش توصل فى طريقة احلى بس انت شوف الاول

[خميس حسن]

ممكن ياباشا المية ماتدخلش عالزيت وتدخل علىالعادم وتطلع من الشكمان فى صورة بخار وكدة جوان وش سلندر ربنا يعينك

[حسام البورسعيدى]

على فكرة مش هتلاقى ميه على زيت عندك غالبا لان نقص الميه مش عالى ...

اول حاجة لازم تتاكد ان مفيش تسريب ..

يعنى تعالى والعربية سخنة (يستحسن لو حصل سخونية زياده) وتقوم تفتح الكبوت وتحط ودنك وحاول تدور على صوت تسريب ميه (ضغط ميه كانك بتفتح ازازة بيبسى بالراحة كده) وتحدد مكانه ..

وتتاكد ان غطا الريداتير سليم (اتاكد ان الكاوتشة مش متاكلة)

كمان شيك على الخراطيم كلها وان الافيز بتاعها ماسك كويس ..

واهم حاجة اعمل اختبار وش السلندر (زود ميه على الاخر فى الريداتير وزود بنزين لو لقيت فى بقلله فى الميه (فقاقيع) يبقى وش السلندر محتاج يتغير ...

بس باذن الله بسيطة ...