اى السيارات من الخمس تنفع للتكسى فى مصر

[eng_ahmed_90210]

البيجو بس لو قطع غيارها متوافره و سعرها معقول و طبعا قطع غيارها معمره
غير كده تبقي الفيرنا بس اي تخيشه او رزعه مطب كل سنه و احنا طيبين
اما الادا صعبه ظروف القياده بتاعتها ده غير ان قطع غيارها مش معمره
اللانوس بقي مصيبتها نفس مصيبه الفيرنا و كمان قطع غيارها غير معمره
الاسبيرانزا مش نافعه ملاكي تقولولي تاكسي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ahmed_menaiem]

اللاداااااااااااا

[Abo yassin]

[QUOTE=AboNoRa;28150]
استاذ حسين نورت مصر موتورز واتمنالك كل التوفيق فى اختيارك باذن الله

عربية تاكسى يبقى لازم افكر فى كذا حاجة بالاضافة للطرق طبعاً

1- تاكسى يعنى عدد ساعات تشغيل اكبر من العادى وبالتالى محتاج اعتمادية اكبر فى المكونات وياريت لو جوده افضل كمان
وبالتالى هيبقى الافضليه للبيجو والادا والفيرنا ثم الانوس (فى الاعتمادية ) وهستبعد الاسببيرانزا

2- تاكسى يعنى العربية فى اغلب الاوقات بتتعرض لتحميل اكتر من العادى وبالتالى محتاج عفشة ناشفة شوية (متهبطتش جامد) وعالية بس فى النفس الوقت تكون مريحة علشان نص يومى او على الاقل تلتة هكون سايقها وانا اعرف ناس ربنا يحفظنا جميعاً حصلهم مشاكل فى العمود الفقرى واحيانا فقرات الرقبة بسبب سواقة عربيات خشنة زى الشاهين والادا فمتكونش خشنة اوى برضو

وبالتالى هتبقى الفضلية للفيرنا او لانوس مع تعديل المساعدين والسوست
وهستبعد الادا علشان متعبة ومرهقة فى سواقتها حتى لو كانت باور

3- تاكسى يعنى مشروع اقتصادى فلازم طول العمر الافتراضى لقطع الغيار يكون فى الحسبان علشان مش كل شوية اغير حاجة واضيع وقت وفلوس فى قطع الغيار وتركيبها فسعر وتوفر قطع الغيار وسهولة الصيانة فى اى مكان عوامل مهمة جدا
وبالتالى الافضلية هتبقى لللانوس - فيرنا وهستبعد الاسبيرانزا تماما علشان اسعار قطع الغيار

4- تاكسى يعنى زى ماحضرتك اشرت لازم امشى بيه فى كل طرق مصر ووارد حتى انى اروح مكان والاقى الطريق مكسر او حتى زحمة جداً ووراد تتخبط والفوانيس والاكصدامات والرفارف هتتحول لقطع غيار استهلاكية بالنسبالى
وبالتالى الافضلية هتبقى للادا ثم الانوس ثم الفيرنا

5- بدام تاكسى يبقى لازم اشوف فلوسى هدفعها كاش ولا قسط لان لو قسط يبقى مهم ان ثمن العربية يبقى اقل علشان الفوائد متبقاش اكبر وبالتالى هدور على اقلهم سعرا


السلام عليكم و رحمة الله يا أبو نورا يا حبيب قلبى...
انا متابع وقارىء جيد و قديم لك فى اغلب مواضيعك و خصوصا اللى متعلقة بالعربية اللادا و اتمنى من الله و منك انك تقول لى رايك فى الكلام اللى جاى بس بأمانة برضة كعادتك و ارجو منك الرد فى اقرب وقت ممكن و يارب ماكونش بتقل عليك:
بسم الله الرحمن الرحيم
تعتبر هذة هى المشاركة الأولى لى معكم و لكننى متابع جيد منذ فترة و أسمى أبو ياسين
نفس الحالة عندى بالظبط لأن أنا عاوز أشترى عربية زيرو و كمان حتشتغل تاكسى و بناء علية أخترت لآدا 2107 موديل 2011
بتستحمل قوى و حاجتها أرخص مما تتخيلوا يكفى ان عفشة العربية دى كلها ب 500 جنيه والماتور جديد ب 2500 و جوز المساعدين و المقصات ب 125 و بعدين كفاية قوى ان اى ميكانيكى بيشتغل فيها و هو فى الزمن اللى احنا فية دة حد يلأقى عربية ب 50.000 بس و عالية و واسعة و زى الفل مع شوارع مصر الممهدة جدا جدا و بصراحة بما ان العربية حتشتغل يبقى لازم حيكون فى أعطال و فى الحالة دى لازم تكون قطع الغيار موجودة و رخيصة و سهل تلاقيها و تتعمل فى أى مكان مش زى عربيات تانية محدش يعرف يجيب حاجتها او يصلحها برة التوكيل
شوف يا باشا . أنا بقارن بين اللادا و السابا البرايد الايرانى بقالى أكتر من شهر لان انا عاوز أزود دخل عائلتى ووجدت ان اللادا حتحقق المعادلة يعنى حقدر أراعى العربية و أديها كل حاجة لان قطع غيارها و زيتها و بنزينها و مصاريفها على أد أيدى و فى نفس الوقت بأذن الله حيتبقى معاك فلوس تعتبر دخل صافى لبيتك.
لو عندك أى حاجة أقدر أساعدك فيها لو أنا أعرفها مستحيل أتأخر عنك و لو انت عندك أى معلومة عن العربية اللادا تحب تقولها لى أكون متشكر ليك جدا جدا جدا
أبو ياسين
<!-- / message -->

<!-- controls -->

[حسام البورسعيدى]

الفيرنا هى احسن حاجة ..

واحنا فى بورسعيد عندنا حوالى 80% من التاكسيات فيرنا وفيفا (الفيفا اكتر) وشغالة زى الفل ..

عربية صغيرة وسريعة ومريحة وتحمل عالى وبسيطة والاهم انها حديثة ..

فانا اعتقد انها ممتازه لمشروع التاكسى ..