ارشيف الاستراحة 2010

[Injection]

أنا عاوز 10 جنيه وأمشى أنا من هنا.

ومستنى كومنت أم أحمد (هههههه)

المشاركة الأصلية كتبت بواسطة احمد بدر1978 متابع بس فى صمت لانى لو اتكلمت حخبط فى كل الستات فخير الكلام الصمت

ههههههههههههههههههههههههه هههههه

انتا هتعملي فيها جي من معهد الصم البقم انا عايزك تنفجر وتقول كل اللي في نفسك مش عايزك تبخل باي حاجه علينا انتا بالذات لازم تقولنا تجاربك علشان نتعلم منك ومنقعش في اخطائك خليك صريح وواضيح

المشاركة الأصلية كتبت بواسطة sad-bird واخيراااااااااااااااااااا اااااااااااااااااااا انا اكبر عازبي المنتدي مش احمد ممدوح انا اكبر منه ب6 سنين ان لم يكن هناك اكبر مني وعلى فكرة انا كنت سمعت ان فيه كتاب تاني اسمه انا عاوز اتجوز يعني فكرتك قديمة روح بقى الحق دور على الكتاب قبل ما يخلص اخيرا خلص الكومنت ايه ده مش هلحق اشرب الشاي كده

عمال انتا داخل سخن علي الاخر وكمان جايبلنا شاي والدنيا حر اساسا ده بدل ما تجيب عرقسوس وتغرقلنا المنتدي جايبلي شاي

بس انا دلوقتي اتاكدت انك هتموت وتتجوز كل ده كلام كان جواك كويس انك طلعت الكلام ده وانتا قاعد لوحدك لحسن لو حد كان قاعد معاك كان ممكن اتحرق من الصهد اللي خارج منك ربنا يكون في عونك

انتا تعمل زي ابن خالي فضل صايم عن الجواز لحد سن 27 وبعدين راح خطب واحده من شهر رايحه اولي ثانوي علشان تتربي في عزه



اما عن نفسي شايف ان حال الدنيا دلوقتي والغلاء اللي احنا بقينا فيه مش مخلي حد عارف يتجوز لان الواحد بيكفي نفسه من مرتبه بالعافيه

لكن هتتجوز يعني مصاريف للصبح ومفيش حد بيرحم في الزمن ده اللي تقولك شبكة مش اقل من 15000 جنيه وعفش منين وفرح فين وتشطيب للشقة هاي لوكس وتلاقي نفسك في الاخر بتشحت علي باب السيده


فعلي ايه الواحد كدا كافي خيره شره وعايش بنعمة العقل اللي بعد الجواز بتدور عليها مش بتلاقيها

فلنا الله والحمدلله علي نعمة العزوبية


بالنسبة للمسلسل بتاع عايزة اتجوز ده المسلسل الوحيد اللي بتفرج عليه بعد مسلسل الكبير اوي


انا بتفرج عليه لان قصته جميلة فعلا وفي اطار كوميدي ساخر وفعلا بيحكي حال البلد دلوقتي بقا عامل ازاي

المشاركة الأصلية كتبت بواسطة sad-bird انا قاعد مستني اتنين مهمين يردوا على الموضوع واحد مش عاوز يتجوز زي حالاتي والتاني عاوز يتجوز للمرة الرابعة وكل واحد عارف نفسه

حبيبي يا حماده دايما كدا فاضحني هو في يعني حد غيري انا واحمد بدر الاحمدين

[sad-bird]

المشاركة الأصلية كتبت بواسطة Injection كده ياباشا, ده أنت مافيش حاجة عجبتك فى الكومنت بتاعى خالص ماشى, هاعمل زيك أولا: بذمتك ياباشا, لما العروسة يبقى ليها قائمة ويبقى ليها مؤخر صداق وشبكة ومهر و و و, وأهل العريس يقعدوا يتساوموا على الحاجات ديه, وعلى الشقة وأوضة النوم اللى هتيجى من دمياط والسفرة وحاجات المفروض العروسة هى اللى ليها دعوة بيها, يبقى ده أسمه أيه, ده كفاية موضوع القائمة اللى بيصور العريس أنه حرامى, وماتقوليش بيحفظ حق العروسة, يعنى العريس هيدفع فى العروسة على الأقل 30 ألف جنيه قبل مايشترى أى حاجة للشقة. أنا عارف أن المثال كان رخم وغير ملائم, بس أنا كنت داخل واخد الموضوع هزار حبتين, مكنتش متصور أنكم واخدينه جد, أعذرونى لو قلت حاجة تزعل. الجواز عليه عوامل كتير وطبعا حضرتك يادوك شرحتها كلها يمكن أكثر من اللازم كمان, بس برضه العوامل الرئيسية لأفساد أى خطوبة مش جوازة كمان هى الحالة الأقتصادية وأهل العروسة والعريس. وأنت سيد العارفين ياباشا, الحسنة تخص والسيئة تعم, ده أن مكانتش السيئة عامة أصلا. ويا باشا أنا أختصرت "بنات متحررة زيادة عن اللزوم" فى كلمة, أيه المشكلة, يمكن علشان الوسط الجامعى اللى أنا فيه والبلاوى اللى بشوفها كل يوم فى الجامعة هى اللى خلتنى أستخدمها, لكن صدقنى الكلمة دى كمان تخفيف لحالة جزء كبير من البنات دلوقتى. وياريتها جت على كده يا باشا, حضرتك قلت أن اللى بيبقى رايح بيت بيبقى عارف, المشكلة أنه مبيبقاش عارف, وبيكتشف بعد كده حاجات مكانش يعرفها عن خطيبته, أصحاب ولاد وخروجات معاهم, لبس مش تمام, بروفايل على الفيس بصورها وأصحابها, وهكذا, فبيضطر يفركش الخطوبة, والمشكلة الأكبر أن البنت بتتصنع الفضيلة لكن بتبان حقيقتها بعد الخطوبة وكمان أهلها بيبقوا عارفين كل حاجة. ولقينا عازب كمان غير أحمد ممدوح وحازم باشا نمسك فيه, هه ياباشا, هتفضل فى نادى العزوبية ولا الرد المعتاد "ناوى"؟ وتعليقاتك مالية الموضوع أهه, بس محكيتلناش قصة واحدة ليه؟, ولا مش عايز الشباب يحسدك؟

يا انجكشن انا نص ردك كان عاجبني لكن انا قلتلك على اللي فيه وراجع الرد كويس هتلاقيني متفق معاك في اغلبه لكن ليها تحفظات على بعض الكلام من ضمنها اننا مش نطلق تعميمات عامة على الكل وانت لقت دلوقتي الحسنة بتخص والسيئة بتعم ، لكني مش معاك في ان السيئات عمت

الحاجة التانية موضوع الشكبة والمهر والمؤخر فده راجع لحاجتين اولا المثل ( المثل ده يعني انت لو روحت تاخد واحده من وسك معين فالمفروض انك بتتعامل زي ما حد تاني من نفس الوسط تعامل مع العريس التاني، اختها بنت خالتها بنت عمتها ، وغالبا بيكون العريس عدي السن وبيقدم تنازلات مادية علشان العروسة واهلها يوافقوا وفي النهاية المظلوم هو الجيل التاني ، اما بقى ال 30 الف بتوعك دول فانت غلبان زي حاالاتي بتكفر في 30 الف الموضوع على حسب القدرة المالية
من اول 10 الاف ( اوضة نوم في شقة اهل واحد من الطرفين العريس او العروسة ) لغااااااااااااااااااااااا ااااااااااااااااااااااااا ااااااية مليون ( قيمة شبكة زوجة احمد عز من حوالي 4 سنين ) ومحدش يقر على الراجل والست ويدخلنا في حوار تاني ومتاهة تانية ملناش دعوة بيها كل واحد وله قدراته وربنا بيبعت البرد على قد الغطاء
اما بقى البيت اللي الواحد دخله واكتشف فيه ما يعيبه ففترة الخطوبة معموله علشان كده وبعدين هو انت علشان دخلت بيت ولقيت فيه اللي فيه طيب ما تفتكر انت عملت ايه في ايامك وايه خبراتك السابقة وحصلت عليها ازاي مش من طرف تاني وبنت ناس برضة وكانت عشمانه فيك ( الكلام مش موجه ليك يا انجكشن الكلام موجه للي بيتصرف التصرف ده وبيزعل لما يقابل الحقيقة )

وبعدين ياعم انجكشن هزر براحتك لكن منتجاوزش علشان فيه بنات بتدخل تقرا الكومنت ومش نجرح شعورهم بالكلام

اما بقى عني نفسي فعازب إلى ان يشاء الله اقرب الاجلين الجواز او الموت وخبرتي السابقة هقولها بس اصبر عليا اصلي مش عاوز اخبط في الحلل كتير
اما عن احمد ممدوح فده لسه صغنن بيلعب في 24 سنة لسه بدري عليه بيقول كلام في الهوا وخلاص
وحازم معرفش ايه ظروفه لكن شكله هيبقى زيي لو اني كنت قريت مرة كومنت انها فترة وعدت فشكله كده ناااااااااااااااااااااااا ااااااااوي وهنروح المحلة قريب على فرحه وهنعمل بلاوي في تاكسي احمد
اما بقى انجكشن فانا مش عارف عنه حاجة غير انه بيحب لولا والعفريت اللي حاطه جنبه فيها

[sad-bird]

المشاركة الأصلية كتبت بواسطة noura_taman أحجز اول مكان للرد أنا اول واحدة بس استنوا لما اخلص اللي في ايدي

اكيييييييييييييييييييد احمد عملك حفله في الحلل
ههههههههه
مستني الرد