#1
|
|||
|
|||
مساعدة بخصوص النترا 94 كورى
السلام عليكم ورحمة الله وبركاته
عندى النترا موديل 94 استيراد معاقين استعملتها 3 سنين بسم الله ما شاء الله العربية حالتها كويسه جدا المكنة ما اتلعبش فيها مش بعمل غير ضبط التكيهات وتغير البيجوهات والعفشة حلوه ومريحة. العربية كانت اتخبطت فى الرفارف بس عملتلها سمكرة ورجعت كويسه خالص ومحتاجه رش اكسدامات بس. دى حالة العربية . فا كنت عاوز من حضراتكم وخبراء الالنترا تسعير العربية عشان انا ناوى ابيع اليومين دول ان شاء الله التعديل الأخير تم بواسطة elcabtien ; 04-06-2010 الساعة 07:11 PM |
#2
|
|||
|
|||
رد: مساعدة بخصوص النترا 94 كورى
السلام عليكم
ايه يا رجاله 12 مشاهدة ومحدش رد عليا خالص هو مفيش حد رد عليا خالص انتو مش عاوزين تساعدونى ولا محدش عارف ولا ايه بالظبط ارجو الاهتمام بالموضوع ونسيت اقولكم على الاوبشنز بتاعت العربية وهى كالآتى عجلة قيادة باور ومتحركة. زجاج كل الابواب بالكهربا. مرايات بالكهربا. تكيف ثلاجة. كاسيت وراديو العربية الاصلى بتاعها بالسماعات الاصلية بتاعته. فتح الكبوت والشنطة وتنك البنزين من داخل السيارة بزراير فى متناول يد السائق. جهاز تسخين الزجاج الخلفى فى حالة الشبورة . مفاتيح أمان للأطفال بالأبواب الخلفية لعدم فتح الابواب من الداخل. فوانيس شبورة. سنتر لوك أرجو الاهتمام من الاخوة الاعضاء والرد |
#3
|
||||
|
||||
رد: مساعدة بخصوص النترا 94 كورى
و الله ياباشا اخرها 35000 الف بس معلش مع احترامي لحضرتك ماتخليش حد يسعرلك عربيتك عربيتك و حاجتك عموما انت الي تسعرها تقول انا طالب 35000 و تعمل حساب انك هاتنزل على الاقل 5000
بس 35000 |
#4
|
|||
|
|||
رد: مساعدة بخصوص النترا 94 كورى
الف شكر ليك يا دكتور احمد على اهتمامك وردك بس معلش انا اسف يعنى ما فهمتش حضرتك فى نقطتين
1- يعنى ايه ما اخليش حد يسعرلى يعنى انا غلطت انى عملت الموضوع ان كان قصد حضرتك كده انا ما عنديش فكرة بسوق العربيات فلازم اسأل قبل ما اعرض والناس او التجار يعرفو انى مش عارف فيدبحو العربيه وبعدين انا شفت مواضيع تسعير كتير على النت وان كان قصد حضرتك ما اخليش اللى هعرض عليهم العربيه فا انا متفق معاك وعشان كده عملت الموضوع 2- انا ما فهمتش حضرتك يعنى سعر العربية كام يعنى هى تستاهل 35 فا انا اطلب 40 ولا هى العربية تستاهل 30 فا انا اطلب 35 واعمل حسابى توصل التلاتين مستريحة معلش طولت عليك ومستنى رد حضرتك |
#5
|
||||
|
||||
رد: مساعدة بخصوص النترا 94 كورى
انا رديت عليك في الخاص
|
|
|