المشاركة الأصلية كتبت بواسطة corsair
يا عم خالد اسكت انتا متعرفش حاجه انا من كام سنة ما روحت الصعيد كان تقريبا بس واحد في البلد كلها اللي كان عنده تلفزيون ومكنش بيجيب غير القناة 1 و 2 و 7 بتاعت الصعيد اضحكك اخر مره روحت فيها الصعيد كان في شهر 2 اللي فات لقيت البلد كلها دخلت الدش وبيتفرجوا علي مسلسل مهند ونور واللي عايز يموت من الضحك كان يجي يتفرج عليهم وهما بيشوفوا المسلسل ويسمع تعليقتهم صبح صبح يا عم خالد
|
من زمااااااااان وانا شاكك فيك وانت صعيدى برانى وانا عارف يعنى آخرك المنيا ومدينة المنيا كمان لكن قرية على الجبل الغربى فى الصعيدى الجوانى ده يبقى احنا
ثم انت تروح كل كام سنة لكن العبد الفقير كل شوية ناطط هناك فرح / عزاء/ مشكلة 7 ساعات بكون هناك لو بالقطار ولو بالعربية 4 ونص فانا عارف تطورات البلد والدش ده من زمان حتى الافراح بقى فى فىا البلد دى جى وكومبيوتر ونت ودى عجايب لان بلدنا على الجبل فالنت صعب شوية ولقيت كوافير فاتح هناك ودى اعجب
كوافير فى قريه على الجبل الغربى بالصعيد الجوانى بس جايبهم كلهم ستات وهو مبيشتغلش بايده طول اليوم قاعد بره المحل
العجيبة بقى انى روحت بلدنا من كام شهر لقيتهم جايبين ترابيزة بلياردو وقاعدين بيتكلمو عن الاستيكة مش عارف تعمل ايه
والدور على مين وانا واقف زى الاطرش فى الزفة لانى مبفهمش فى البلياردو واستعجبو جدا انى مش عارف هما بيقولو ايه
ولقيت ابن عمى بيقول لى
اومال ياابو عمو (ياابن عمى) بيجولو بتوع القاهرة (قال القاهرة بالفصحى) هما اللى بدعو(اخترعو) البلياردو
وطبعا شكلى كان وحششششششششش