المواصفات القياسية للسيارات ،،، وهم كبير أم نصب علني

[حازم شاهين]

هو كان الهدف من النمط المصرى للرسوم الجمركية تشجيع امتلاك سيارات الأكثر إقتصادية فى إستهلاك الوقود .
أما إللى عايز يتمتع بمحرك أقوى و أداء رياضى فعليه دفع قيمة إهدارة للموارد اليئية و ده بيكون بالضرائب العالية
الكلام ده هو فلسفة فرض الضريبة بس فى حالة إن النية تكون خالصة لوجه الله مش مصالح و بيزنيس.
عموما الإتجاه العالمى الحالى للمحركات هو تقليل حجمها فى مقابل زيادة كفاءتها
بنشوف دلوقتى شركة زى فيات بتعتمد على محرك 1.4 بصفة أساسية ، و حتى فى أمريكا إبتدى الجمهور يطلب السيارات الأقل كلفة فى التشغيل و إضرار بالبيئة و بيعتبروا ركوب عربية فارهة نوع من السفه و الحماقة

أما بخصوص عدد السيلندرات ففعلا مرسيدس بتفكر تعمل عربية هجين بتلاتة سيلندر فقط و قدمتها كونسيبت فى معرض فرانكفورت من ست شهور كمان بى إم فكرت فى نفس الفكرة

لكن أنا بقى مش متأكد إن ده كان هدف الحكومة لما عملت العملة دى بصراحة

[hazem_khidr]

هو طبعا دا نوع من انواع العبثو الاستخفاف
لان فر عربيات كتير جدا مظلومه بالموتور ال1600 زي الباسات مثلا
المفروض القانون يبقي فيما فوق ال 2000 سي سي
علشان الناس تركب عربيات كويسه و بسعه لتريه معقوله و بتمن كويس
انما مش 40 % اقل من 1600 سي سي و بعدين 135 فيما فوق ال 1600 سي سي !!
بالذمه دا كلام يعقل؟؟

[hossamhussein0]

اشكر السادة الزملاء م الكريم

[miam0502788391]

الله يخرب بيت الجمارك اللى خلتنا نركب أقل العربيات بأغلى الأسعار ويخرب بيتها كمان مرة اللى خلت العربيات المستعملة - واللى انقرضت فى دول العالم المحترم - يكون ليها سعر فى مصر مش عارف ليه الأصرار على عدم تخفيض جمارك السيارات بالذات *, زمان كان الحجة اصل بنحمى الصناعة الوطنية طيب هو احنا بننتج ايه دى مفيش الا العربية النصر فى الستينات وبعدين قالوا هيعملوا عربية مصرية 100% وبعدين شركة النصر اكتفت بتجميه 128 و الشاهين وبعدين صفوا شركة النصر للسيارات وأهه يا مولاى كما خلقتنى مفيش عربية مصرية و15 ولا 17 مصنع اللى فى مصر كووووووولهم تجميع بنسبة لا تتعدى 40 على أحسن تقدير يبقى فين الصناعة الوطنية اللى عايزين يحموها