#1
|
||||
|
||||
تيجو فى المصرية
انا النهارده خير اللهم اجعله خير .. صحيت الصبح ناوى على المصريه للسيارات
فطرت لبست نزلت رحت وصلت هناك قلت بدل ما الف كتير واضيع وقتى قلت اخش فى الموضوع اتنين فى اتنين على التيجو ال 1600 علطول المهم عشان مطولش عليكم جالى شاب لذيذ قالى تحب افتحلك الشنطه قلتله ماشى فتحها اتفرجت على العربيه .. مهو انا متفرج عليها قبل كده مش مشكله قلت بكام العربيه .. قالى ب 83000 جنيه قلت ليه اذا كان هى اصلا ب 79900 جنيه .. قالى حضرتك هتروح تجيبها ب 79900 هيقولولك ادفع مقدم وتعالى استلم بعد شهرين , هتروح بعد شهرين هيقولولك تعالى الاسبوع الجاى وهكذا لحد ما تكره اليوم اللى نويت تشترى فيه عربيه عديتها وقلت فى دماغى اخد اكبر قدر من المعلومات وبعدين لما اروح اراجع مع نفسى قلتله انا عايز ادفع 50000 يعنى تقريبا 60% من التمن هيتبقى عليا كام مسك الاله الحاسبه وقعد يحسب وفى الاخر قالى 814 جنيه على 60 شهر قعدت احسبها لاقيت ان الفايده كده 9.6 % سنويا المهم مش هطول قولولى لا طول فيه كده حاجتين عايز اعرف منكم هما طبيعى وللا مش طبيعى اول حاجه ال3000 جنيه الزياده فى السعر تانى حاجه الفايده ال 9.6 % طبيعيه ولا لا بس خلاص ptmnlo123per144
__________________
من مواضيعى *****
|
#2
|
||||
|
||||
رد: تيجو فى المصرية
هو الطبيعي دلوقتي انك يوم ما تفكر تشتري عربية جديدة في مصرالمحروسة أدامك خيارين أحلاهما مر؛ الأول انك تدفع المقدم اللي بيطلبوه في التوكيل وتستني فترة قد تصل الي 8 شهور في بعض التوكيلات والخيار التاني انك ترضي بالأوفر برايس بتاع الموزع المعتمد والحل الأخير يكون لك واسطة في التوكيل يقدم طلبك شوية ويسلمك العربية بدري أنا شاري الكورولا بتاعتي من هاي موتورز في مصر الجديدة ب 163.000 وكان تمنها في التوكيل 159.900
__________________
لاتجعل امالك أرض يداس عليها بل اجعلها سماء يتمني الجميع الوصول اليها ptmnlo123per122 ربما الماء يروب ، ربما الزيت يذوب، ربما يحمل ماء في ثقوب ، ربما الزاني يتوب ، ربما تطلع شمس الضحى من صوب الغروب ، ربما يبرأ شيطان ، فيعفو عنه غفار الذنوب، إنما لايبرأ الحكام في كل بلاد العرب من ذنب الشعوب |
#3
|
||||
|
||||
رد: تيجو فى المصرية
طبيعى جدا جدا
انا حصل معايا نفس الوقف في المصريه يمكن الشاب الى فاتحلك الشنطه هو هو الى فاتحلى شنطه السيراتو المهم العربيه كانت بـــــــ119 الف كونا متفقين على كده ويوم الاستلام قااااااالى العربيه بقت بــــــ121 الف ptmnlo123per111 يوم الاستلام يعنى خلاص قولتو ماينفعش احنا متفين معاك على 119 قاالى العربيه غليت ولو اعدت اكتر من كده هتغا تانى المهم دفعتهم وخلاص وتقريبا كانت نفس نسبه الفايده الى عندك وعلى فكره مش هتلاقى معرض في تسيهلات المصريه وسرعه تسليم العربيه بس بخدو حقهم تلات ومتلات بـــــــــــــس في حاجه بقا طلما انت ممكن تدفع 50 الف في ناس او معارض لما بتدفع 50% من سعر العربيه بتقسط باقى المبلغ على سنتين ما بيبقاش فيه فوائد ولا حظر بيع كمان اسأل في الحكايه ده بلتوفيق ان شاء الله التعديل الأخير تم بواسطة koky_90 ; 09-12-2009 الساعة 01:12 AM |
#4
|
||||
|
||||
رد: تيجو فى المصرية
فكرة تقبل الاوفر برايس دي بصراحة بحس انها نصب
ولو كل اللي هيشتري عربية رفض ان يدفع اعلي من السعر المعلن اكيد التجار والموزعين هيلمو نفسهم ويبيعو بالسعر الرسمي العيب في اللي بيقبل انة يدفع الزيادة يعني اكيد اي حد بيشتري عربية بيقعد يفكر مدة قبل ما يشتري فاية اللي هيحصل لو ما كانش مستعجل علي الاستلام صدقوني احنا الي بنخليهم يستغلونا
__________________
|
#5
|
|||
|
|||
رد: تيجو فى المصرية
طالما حضرتك دافع اكتر من النص هتبقي الفايده 9.5 % مش 9.6 %
و ال 3000 جنيه الزياده عشان التسليم هيبقي فوري من المعرض
__________________
|
|
|